Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
اَلْحَمْدُ لِلَّهِ اَلْحَمْدُ لِلَّهِ الَّذِيْ لَهُ الْحَمْدُ كُلُّهُ وَ لَهُ الْمُلْكُ كُلُّهُ وَ بِيَدِهِ الْخَيْرُ كُلُّهُ وَ إِلَيْهِ يَرْجِعُ الْأَمْرُ كُلُّهُ وَأَشْهَدُ أَنْ لَاإِلَهَ إِلَّا اللهُ وَحْدَهُ لَاشَرِيْكَ لَهُ فِيْ ذَاتِهِ وَ أَسْمَائِهِ وَصِفَاتِهِ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَخْلُوْقَاتِهِ. اللَّهُمَّ صَلِّ وَسَلِّمْ وَ بَارِكْ عَلَى سَيِّدِنَا مُحَمَّدٍ وَ عَلَى أَلِهِ وَ أَصْحَابِهِ الْمُقْتَدِيْنَ بِهِ فِيْ كُلِّ حَالَاتِهِ. أَمَّا بَعْدُ
فَيَا عِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المْنَّاَنِ، الْقَائِلِ فِي كِتَابِهِ الْقُرْآنِ: يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَابْتَغُوْٓا اِلَيْهِ الْوَسِيْلَةَ وَجَاهِدُوْا فِيْ سَبِيْلِه لَعَلَّكُمْ تُفْلِحُوْنَ.صَدَقَ اللهُ الْعَظِيْمُ
Hadirin jamaah shalat Jum’ah ingkang dipun rahmati Allah Ta’ala!
Mangga kita sareng-sareng mantebaken manah sak lebetipun nindakaken takwa dhumateng Ngarsa Dalem Allah Ta’ala, kanthi nilaraken mawarni-warninipun kemaksiatan, lan nindakaken sekathahipun ketaatan dhumateng Allah Ta’ala.
Lan mangga kita sami anjagi pribadi kita saking perbuatan dosa, sami ugi dosa ingkang kita lampahi mawi nggauta-nggauta badan, miwah dosa-dosa sak lebetipun manah. Kranten dosa menika badhe dados penghalang sinembadanipun donga lan tumurunipun pertolongan saking Allah subhanahu wa ta’ala.
Hadirin jamaah shalat Jum’ah ingkang dipun rahmati Allah Ta’ala!
Mboten wonten perbuatan ingkang langkung ngrusak dhateng manah, sak lintunipun perbuatan dosa. Lan dosa ingkang paling ageng tumrapipun kawula, duraka dhumateng Allah Ta’ala. Yakni ingkar lan nyimpang saking nikmat ingkang sampun kaparingaken Allah Ta’ala.
Menawi nggauta-nggauta badan (kados paningal, pangrungu, lisan, asta lan suku) kita gunakaken kagem kemaksiatan lan manah mboten kita jagi saking dosa-dosa (kados dengki, ‘ujub lan riya’), yekti kita badhe ngrekaos pikantuk pertolongan saking Allah Ta’ala.
Kita dados manungsa temtu mboten saget lepas saking tumindak dosa babar pindah. Lan akibat saking dosa ingkang kita tindakaken menika saget ndadosaken supenipun manah nalika donga dhumateng Allah Ta’ala. Sahingga donga kita katolak wonten Ngarsa Dalem Allah Ta’ala. Rasulullah shallallahu ‘alaihi wasallam dhawuh:
اُدْعُوْا اللَّهَ وَأَنْتُمْ مُوقِنُوْنَ بِالْإِجَابَةِ، وَاعْلَمُوْا أَنَّ اللَّهَ لَا يَسْتَجِيْبُ دُعَاءً مِنْ قَلْبٍ غَافِلٍ لَاهٍ (رواه الترمذي)
Artosipun: “Nyuwuna marang Allah lan yakina bakal den ijabahi, lan ngaweruhana sira kabeh yen sak temene Allah ora ngijabahi donga sangka ati kang lali.” (HR. Atq Tirmidzi)
Sak lebetipun donga dhumateng Allah Ta’ala menika kedah merhatosaken adab-adab ipun. Ing antawis ngadhiraken manah (khusuk), sumendhe namung dhumateng Allah Ta’ala, lan tansah nindakaken perintah-perintahipun saha nebihi awisan-awisanipun Allah.
Hadirin jamaah shalat Jum’ah ingkang dipun rahmati Allah Ta’ala!
Sak sampunipun kita mangertosi bilih dosa menika perkawis ingkang dados sebab penghalang sinembadanipun donga lan pertolongan saking Allah Ta’ala, pramila ingkang kedah kita tindakaken enggal-enggal taubat saking dosa lan nyuwun pangapunten dhumateng Allah. Wonten Al Qur’an surat Ali Imran ayat 133, Allah Ta’ala dhawuh:
وَسَارِعُوْآ اِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَتُ وَالْاَرْضُ، اُعِدَّتْ لِلْمُتَّقِيْنَ
Artosipun: “Lan enggal-enggalo marang ampunane Pengeranmu lan marang suwarga kang jembare sak jembare langit lan bumi, kang den cawisake kanggo wong-wong kang padha takwa.”
Saben-saben muslim ingkang nyadari bilih piyambakipun dhumawah dhateng tumindak dosa, kedahipun enggal-enggal taubat lan nyuwun ampunan dhumateng Allah Ta’ala. Kranten Allah Ta’ala menika Maha Nampi Taubat, Maha Pengampun lan Maha Asih.
Menawi setunggalipun muslim tansah taat perintahipun Allah lan Rasulipun, lan nebihi awisanipun lan enggal-enggal taubat saking dosa lan maksiat, mangka Allah Ta’ala badhe ngapura dosanipun, lan Allah badhe manjingaken suwarga ingkang jembar benjang wonten akhirat, minangka piwales atas ngamal ingkang dipun tindakaken wonten dunya, yakni suwarganipun tiyang ingkang takwa.
Hadirin jamaah shalat Jum’ah ingkang dipun rahmati Allah Ta’ala!
Mangga kita sami taubat saking dosa lan wangsul dhateng marginipun Allah lan Rasulipun, lan masrahaken panyuwunan namung dhumateng Allah. Kanthi makaten Allah Ta’ala badhe nggampilaken tumurunipun rahmat lan pertolongan dhateng kita saedaya.
اَرَكَ اللهُ لِىْ وَلَكُمْ فِى الْقُرْآنِ الْعَظِيْمِ. وَ نَفَعَنيِ وَ إِيَّاكُمْ بِمَا فِيْهِ مِنَ الْأَياَتِ وَ الذِّكْرِ الْحَكِيْمِ وَتَقَبَّلَ مِنّىِ وَ مِنْكُمْ تِلاَوَتَهُ إِنَّهُ هُوَالسَّمِيْعُ اْلعَلِيْمُ. أَقُوْلُ قَوْلِيْ هَذَا وَأَسْتَغْفِرُاللهَ الْعَظِيْمَ لِيْ ولَكُمْ وَلِسَائِرِ الْمُسْلِمِيْنَ. فَاسْتَغْفِرُوْهُ مِنْ كُلِّ ذَنْبٍ، إِنَّهُ هُوَالْغَفُوْرُ الرَّحِيْمُ
Baca juga:
Bacaan dan Tata Cara Bilal Shalat Jumat (Panduan Singkat)
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَفِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ
فَيَااَيُّهَا الْمُسْلِمُوْنَ! اِتَّقُوْاااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ. اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىأَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ
رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.وَالْحَمْدللهِ رَبِّ الْعَالَمِيْنَ
عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَخْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 9 Jumadal Akhir 1445 H / 22 Desember 2023 ini disusun oleh Kiai Ali Asmungi, Ketua PC LDNU Trenggalek; editor BNA/Imha.
