Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكاَتُهُ
اَلْحَمْدُ لِلّٰهِ الَّذِيْ خَلَقَ اْلاِنْسَانَ وَعَلَّمَهُ اْلبَيَانَ، وَاخْتَصَّهُ بِتَعَلُّمِ اْلعِلْمِ وَاْلحِكَمِ، أَشْهَدُ أَنْ لاَ إِلٰهَ إِلاَّ اللهُ وَحْدَهُ لاَ شَرِيْكَ لَهُ الْمَلِكُ الْحَقُّ الْمُبِيْنُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ خَاتَمُ الْاَنْبِياَءِ وَالْمُرْسَلِيْنَ. اَللّٰهُمَّ صَلِّ وَسَلِّمْ عَلىَ سَيِّدِنَا مُحَمّدٍ وَعَلىَ آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ: فَيَا أَيُّهَا النَّاسُ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. وَقَالَ اللهُ تَعَالَى: اَعُوْذُ بِااللهِ مِنَ الشَّيْطَانِ الرَّجِيْم. بِسْمِ اللهِ الرَّحْمٰنِ الرَّحِيْمِ. يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَلْتَنْظُرْ نَفْسٌ مَّا قَدَّمَتْ لِغَدٍۚ وَاتَّقُوا اللّٰهَ ۗاِنَّ اللّٰهَ خَبِيْرٌ ۢبِمَا تَعْمَلُوْنَ. صَدَقَ اللهُ اْلعَظِيْمُ
Hadirin Jamaah Jum’at Rahimakumullah,
Wonten ing kesempatan ingkang sae menika, keparengo kawula wasiat dhumateng diri pribadi, lumeberipun dhumateng panjenengan sedaya. Mangga samiya netepi taqwa dhumateng Allah Swt, kanthi nglampahi sedaya perintahipun ugi nebihi sedaya awisanipun. Kanthi washilah taqwa menika mugi-mugi Allah Swt paring ridha ugi kaselametan dhumateng kita sedaya awit wonten ing dunya dumugi mbenjang wonten akhirat. Aamiin Yaa Rabbal ‘Aalamin.
Sidhang Jum’ah Ingkang Minulya,
Mboten karasa kita sedaya sampun dugi wonten ing akhir tahun Hijriyah. Artosipun, sekedhap malih kita bakal ninggalaken tahun 1443 hijriyah niki, lajeng manjing wonten ing tahun baru 1444 H. Pramila mangga pergantosan tahun punika kita dadosaken momentum damel ningkataken iman, takwa, ugi amal-amal shalih kita. Sehingga kita sedaya tetep dipun catet dados golonganipun tiyang ingkang bejo wonten dunya lan akhirat.
Kados dhawuhipun Gusti Allah Ta’ala wonten ing surat al-‘Ashr ayat 1-3:
وَالْعَصْرِۙ. اِنَّ الْاِنْسَانَ لَفِيْ خُسْرٍۙ. اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّ ۙ وَتَوَاصَوْا بِالصَّبْرِ
Artosipun: “Demi mangsa, saktemene manungsa iku bener-bener rugi, kejaba wong-wong kang pada iman lan nglakoni amal sholih lan padha aweh nasihat kabecikan lan kesabaran.” (QS. Al-‘Asr : 1-3)
Jamaah Jum’at Ingkang Minulya,
Wonten ing pergantian tahun niki, seyogyanipun kita sedaya merenung, lajeng tanglet dhateng diri pribadi, kados pundi prestasi ugi kesaenan ingkang sampun kita lampahi wonten tahun wingi? Lan kados pundi persiapan kita anggenipun nyambut lan nglampahi tahun ingkang bade dugi punika?
Salah setunggalipun amal kesaenan ingkang saget kita lampahi damel njawab pitakon kalawahu inggih punika muhasabah (introspeksi diri). Muhasabah inggih punika usaha damel ngoreksi lan introspeksi diri pribadi, kaitanipun kaliyan perkawis-perkawis ingkang sampun kita lampahi, sami ugi perkawis ingkang sae utawi ingkang awon.
Muhasabah termasuk amal ingkang penting sanget. Sebab kanthi muhasabah, kita sedaya saget mangertosi punapa kelebihan lan kekirangan kita, kesaenan lan kekhilafan kita.
Kanjeng Rasul saw sampun dhawuh:
عَنْ شَدَّادِ بْنِ أَوْسٍ رَضِيَ اللهُ عَنْهُ عَنْ النَّبِيِّ صَلَّى اللهُ عَلَيْهِ وَسَلَّمَ قَالَ الْكَيِّسُ مَنْ دَانَ نَفْسَهُ وَعَمِلَ لِمَا بَعْدَ الْمَوْتِ، وَالْعَاجِزُ مَنْ اِتَّبَعَ نَفْسَهُ هَوَاهَا وَتَمَنَّى عَلَى اللهِ
Artosipun: Saking Syadad bin Aus r.a, Kanjeng Nabi SAW dhawuh : “Wong kang pinter (sukses) ya iku wong kang ngisab (ngintrospeksi) awake dhewe, serta nindakake amal kanggo urip sakwuse mati. Lan wong kang lemah ya iku wong kang tundhuk marang hawa nafsune lan ngangen-ngangen marang Allah” (HR. Tirmidzi)
Sidang Jum’at Rahimakumullah,
Sayyidina Umar bin Khattab r.a sampun paring pitutur ingkang artosipun:
“Hisaben awak dhewe sira kabeh sak durunge sira kabeh den hisab, lan persiapno awak sira kabeh kanggo ngadepi hisab kang luwih gedhe. Saktemene hisab ing ndalem dina kiamat bakal luwih entheng kanggo wong kang tansah nghisab dheweke nalika urip ing alam dunya.”
Dhawuh Sahabat Umar r.a punika anggadahi makna ingkang ageng tur penting damel kita sedaya. Anggen kita nglampahi gesang, khususipun wonten tahun punika mesti kagungan dosa, kalepatan, ugi kekhilafan. Sami ugi dosa dhumateng Allah, dosa dhateng keluarga, utawi dosa dhumateng sesami. Kita ugi kedah instrospeksi kados pundi iman lan takwa kita dhumateng Allah Swt wonten ing tahun punika. Kados pundi amal-amal ingkang sampun kita lampahi. Kita timbang-timbang kanthi saestu, sehingga saget mangertosi kados pundi kualitas iman lan takwa, ugi amal-amal kita sedaya ing dalem tahun punika.
Jamaah Jum’at Ingkang Dipun Mulyaaken Allah,
Menawi kita resapi, sejatosipun muhasabah utawi introspeksi diri punika anggadahi hikmah ingkang agung tumerap manungsa, inggih punika:
Sepindah, muhasabah dados sarana ningkataken semangat anggenipun ndandosi manah lan akhlak (ishlah). Kanthi muhasabah kita bakal sadar bilih kita niki namung manungsa biasa, ingkang anggadahi kelemahan, kekirangan ugi kekhilafan, sehingga saget enggal dipun dandosi.
Kaping kalih, muhasabah dados bekal damel nyambut lan nglampahi wekdal-wekdal ingkang bade dugi. Kanthi muhasabah kita bakal langkung paham pundi kesalahan-kesalahan ingkang kedah dipun hindari, pundi kekirangan-kekirangan ingkah kedah dipun perbaiki, ugi pundi kesaenan-kesaenan ingkah kedah dipun tingkataken. Sedaya punika dados sangu ingkang efektif sanget damel nyambut ugi nglampahi wekdal ingkang ngajeng.
Kaping tiga, muhasabah saget nghindaraken manungsa saking sifat ujub lan sombong. Kanthi nindakaken muhasabah kita bakal mangertosi bilih taksih katah kekirangan wonten diri kita. Sehingga mboten wonten alasan damel tumindak sombong, angkuh, lan rumaos paling suci ketimbang sesami. Sebab sifat-sifat kasebat dipun larang dening agami.
Gusti Allah sampun ndhawuhaken :
فَلا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى
Artosipun : “Mangka ojo sira nduweni penyana menawa sira iku wong kang suci. Yoiku Panjenengane (Allah) kang Maha Ngudaneni marang wong kang takwa” (QS. An-Najm : 32)
Ma’asyiral Muslimin Rahimakumullah,
Mekaten khutbah ingkang saget khatib aturaken. Intinipun, mangga kita tansah muhasabah (introspeksi diri), mangertosi sedaya perkawis ingkang sampun kita lampahi wonten tahun 1443 H punika, supados saget damel sarana ningkaataken iman lan takwa, ugi kesaenan-kesaenan wonten tahun 1444 H ingkang badhe dhateng. Ing sehingga kita bakal panggih kabegjan ugi kebahagiyaan wonten ing donya dumugi mbenjang wonten ing akhirat. Amiin Ya Rabbal ‘Alamiin.
اَعُوْذُ بِااللهِ مِنَ الشَّيْطَانِ الرَّجِيْم بِسْمِ اللهِ الرَّحْمٰنِ الرَّحِيْمِ. وَالْعَصْرِۙ. اِنَّ الْاِنْسَانَ لَفِيْ خُسْرٍۙ. اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّ ەۙ وَتَوَاصَوْا بِالصَّبْرِ
بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ وَ نَفَعَنِي وَ اِيَّاكُمْ بِالْاٰيَاتِ وَ الذِّكْرِ الْحَكِيْمِ اِنَّهُ هُوَ التَّوَّابُ الرَّحِيْم
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ
فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَاتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىئَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ
عِبَادَاللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 29 Dzulhijah 1443 H /29 Juli 2022 ini disusun oleh Ust. Habib Wakidatul Ihtiar, Pengurus PC LDNU Trenggalek; editor BNA.
