Khutbah I
اَلْحَمْدُ لِلّٰهِ الَّذِيْ خَلَقَ اْلاِنْسَانَ وَعَلَّمَهُ اْلبَيَانَ، وَاخْتَصَّهُ بِتَعَلُّمِ اْلعِلْمِ وَاْلحِكَمِ، أَشْهَدُ أَنْ لاَ إِلٰهَ إِلاَّ اللهُ وَحْدَهُ لاَ شَرِيْكَ لَهُ الْمَلِكُ الْحَقُّ الْمُبِيْنُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ خَاتِمُ الْاَنْبِياَءِ وَالْمُرْسَلِيْنَ. اَللّٰهُمَّ صَلِّ وَسَلِّمْ عَلىَ سَيِّدِنَا مُحَمّدٍ وَعَلىَ آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ: فَيَا أَيُّهَا النَّاسُ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ اللهُ تَعَالَى: يَرْفَعِ اللهُ الَّذِيْنَ آمَنُوْا مِنْكُمْ وَالَّذِيْنَ اُوْتُوْا اْلعِلْمَ دَرَجَاتٍ. صَدَقَ اللهُ اْلعَظِيْمُ
Hadirin Jama’at Rahimakumullah,
Wonten kesempatan ingkang sae menika, keparengo kawulo wasiat dhumateng diri pribadi, lumeberipun dhumateng jamaah jum’at sedaya. Monggo samiyo netepi taqwa dhumateng Allah SWT, kanti nglampahi sedaya perintahipun ugi nebihi sedaya awisanipun. Kanthi washilah taqwa menika, mugi-mugi Allah SWT paring ridha ugi kaselametan dhumateng kita sedaya awit wonten donya dumugi mbenjang wonten akhirat. Amin ya Rabbal Alamin.
Sidang Jum’at Ingkang Minulyo,
Sebagai tiyang muslim, kita sedaya dipun perintah dening Allah SWT supados nindakaken amal-amal ingkang sae lan bernilai ibadah. Salah setunggalipun amal kalawahu inggih punika thalabul ilmi (pados ilmu). Thalabul ilmi tergolong amal ingkang sanget utami.
Pados ilmu menika hukumipun wajib tumrap tiyang muslim, sami ugi jaler utawi estri. Dipun wajibaken nuprih ilmu punika kranten manungso betah pangertosan damel nindakaken kewajiban sakjroning gesang. Awit kewajiban agami, kewajiban pados nafkah, ugi kewajiban sosial masyarakat punika sedaya mawi ilmu. Sehingga, agami Islam merintahaken dhumateng umatipun supados semangat lan temen-temen anggenipun pados ilmu.
Kados dawuhipun Rasulullah saw:
طَلَبُ الْعِلْمِ فَرِيضَةٌ عَلَى كُلِّ مُسْلِمٍ
Artosipun: “Golek ilmu hukume wajib kanggo saben-saben wong muslim.” (HR. Ibnu Majjah)
Jama’ah Jum’at Ingkang Minulya,
Kedah dipun mangertosi bilih thalabul ilmi saget dados washilah utawi sarana ingkang mustajab damel anggayuh kaluhuran. Tiyang ingkang kagungan ilmu bakal diangkat derajat lan panggenannipun dening Gusti Allah Ta’ala.
Allah SWT sampun dawuh wonten ing Al-Qur’an:
يَرْفَعِ اللّٰهُ الَّذِيْنَ اٰمَنُوْا مِنْكُمْۙ وَالَّذِيْنَ اُوْتُوا الْعِلْمَ دَرَجٰتٍۗ وَاللّٰهُ بِمَا تَعْمَلُوْنَ خَبِيْرٌ
Artosipun: “Allah bakal ngangkat derajate wong-wong kang pada iman setengah saking sira kabeh lan wong-wong kang pada diparingi ilmu. Lan Allah Maha Ngudaneni marang sira kabeh” (Q.S. Al-Mujadalah: 11)
Menawi dipun resapi, pados ilmu punika sejatosipun kagungan pinten-pinten keuatamaan, inggih punika:
- Ningkataken iman lan takwa maring Gusti Allah;
- Mangertosi perkawis ingkang haq lan bathil, halal lan haram;
- Ningkataken kuwalitas akhlak lan kepribadiane manungsa;
- Pikantuk bekal ingkang sae damel nggayuh kabegjan ing donya lan akhirat; lan
- Dados sarana jihad ngelawan kebodohan lan kefasikan.
Sidang Jum’at Rahimakumullah,
Selaku tiyang muslim, kita kedah semangat lajeng istiqamah anggenipun pados ilmu, utaminipun ilmu agama ingkang magayutan kaliyan akhirat. Sampun ngantos kita dados tiyang bodho, napa malih bodho ing babagan agama, ingkang ngakibataken mboten saget mbedakaken perkawis ingkang haq lan bathil.
Ilmu punika dados pusakane tiyang muslim. Sebab sedaya perkawis wonten gesang punika betah ilmu. Sinten ingkang pengen slamet lan bahagia wonten donya lan akhirat, kedah mawi ilmu.
Kados dhawuhipun Kanjeng Rasul saw:
مَنْ أَرَادَ الدُّنْيَا فَعَلَيْهِ بِاْلعِلْمِ، وَمَنْ أَرَادَ الآخِرَةَ فَعَلَيْهِ بِالْعِلْمِ، وَمَنْ أَرَادَهُمَا فَعَلَيْهِ باِلعِلْمِ
Artosipun: “Sing sapa wonge ngarepake donya, mangka dheweke kudu nganggo ilmu, lan sing sapa wonge ngarepake akhirat mangka dheweke kudu nganggo ilmu, lan sing sapa wonge ngarepake karo-karone mangka dheweke kudu nganggo ilmu.” (HR. Ahmad)
Ma’asyiral Muslimin Rahimakumullah,
Pramila monggo kita samiyo pados ilmu kanthi saestu, sami ugi ilmu agami, tuwin ilmu ingkang hubungan kaliyan perkawis sosial-kemasyarakatan. Kanthi ilmu ingkang jangkep punika, insya Allah kita bakal manggihi kebahagiaan wonten ing donya dumugi mbenjang wonten ing akhirat. Amin Ya Rabbal ‘Alamin.
اِقْرَأْ بِاسْمِ رَبِّكَ الَّذِيْ خَلَقَۚ. خَلَقَ الْاِنْسَانَ مِنْ عَلَقٍۚ. اِقْرَأْ وَرَبُّكَ الْاَكْرَمُۙ. الَّذِيْ عَلَّمَ بِالْقَلَمِۙ. عَلَّمَ الْاِنْسَانَ مَا لَمْ يَعْلَمْۗ
بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ وَ نَفَعَنِي وَ اِيَّاكُمْ بِالْاٰيَاتِ وَ الذِّكْرِ الْحَكِيْمِ اِنَّهُ هُوَ التَّوَّابُ الرَّحِيْم
Khutbah II
اَلْحَمْدُ لِلّٰهِ عَلَى إِحْسَانِهِ، وَالشُّكْرُ لَهُ عَلَى تَوْفِيْقِهِ وَامْتِنَانِهِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إِلَى رِضْوَانِهِ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ وَسَلَّمَ تَسْلِيْمًا كَثِيْرًا
أَمَّا بَعْدُ : فَيَا أَيُّهَا النَّاسُ، اِتَّقُوا اللهَ فِيْمَا أَمَرَ وَانْتَهُوْا عَمَّا نَهَاكُمْ، وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَّى بِمَلآئِكَتِهِ بِقُدْسِهِ، وَقَالَ تَعَالَى: إِنَّ اللهَ وَمَلآئِكَتَهُ يُصَلُّوْنَ عَلَى النَّبِيِّ يَآأَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا .اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أَنْبِيَآئِكَ وَرُسُلِكَ وَمَلآئِكَتِكَ الْمُقَرَّبِيْنَ، وَارْضَ اللّٰهُمَّ عَنِ الْخُلَفَاءِ الرَّاشِدِيْنَ أَبِيْ بَكْرٍ وَعُمَرَ وَعُثْمَانَ وَعَلِيٍّ وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنِ، وَارْضَ عَنَّا مَعَهُمْ بِرَحْمَتِكَ يَاأَرْحَمَ الرَّاحِمِيْنَ
اللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَآءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مَجِيْبُ الدَّعَوَاتِ. اللّٰهُمَّ أَعِزَّ الإِسْلاَمَ وَالْمُسْلِمِيْنَ وَأَذِلَّ الشِّرْكَ وَالْمُشْرِكِيْنَ وَانْصُرْ عِبَادَكَ الْمُوَحِّدِيْنَ الْمُخْلِصِيْنَ وَاخْذُلْ مَنْ خَذَلَ الْمُسْلِمِيْنَ ودَمِّرْ أَعْدَآئَنَا وَأَعْدَآءَ الدِّيْنِ وأَعْلِ كَلِمَاتِكَ إِلَى يَوْمِ الدِّيْنِ. اللّٰهُمَّ ادْفَعْ عَنَّا الْبَلاَءَ وَالْوَبَاءَ وَالزَّلاَزِلَ وَالْمِحَنَ وَسُوْءَ الْفِتْنَةِ مَا ظَهَرَ مِنْهَا وَمَا بَطَنَ عَنْ بَلَدِنا إِنْدُوْنِيْسِيَا خَآصَّةً وَعَنْ سَائِرِ الْبُلْدَانِ الْمُسْلِمِيْنَ عَآمَّةً يَا رَبَّ الْعَالَمِيْنَ. رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
عِبَادَ اللهِ، إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَآءِ ذِي الْقُرْبَى وَيَنْهَى عَنِ الْفَحْشَآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكُمْ، وَلَذِكرُ اللهِ أَكْبَرُ
Teks Khutbah Jumat berbahasa Jawa edisi Jumat, 3 Juni 2022 ini disusun oleh Ust. Habib Wakidatul Ihtiar, Pengurus PC LDNU Trenggalek.
