Khutbah I
اَلْحَمْدُ للهِ، اَلْحَمْدُ للهِ الَّذِيْ أَمَرَنَا بِالْاِعْتِصَامِ بِحَبْلِ اللهِ، وَهُوَ الَّذِيْ أَدَّبَ نَبِيَّهُ مُحَمَّدًا ﷺ فَأَحْسَنَ تَأْدِيْبَهُ، أَشْهَدُ أَنْ لَا اِلَهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ لَا نَبِيَّ بَعْدَهُ، اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ خَيْرِ خَلْقِ اللهِ، وَعَلَى آلِهِ وَصَحْبِهِ وَمَنِ اتَّبَعَ هُدَاهُ إِلَى يَوْمِ الْقِيَامَةِ
أَمَّا بَعْدُ، فَيَا أَيُّهَا الْحَاضِرُوْنَ، أُوْصِيْنِي نَفْسِيْ وَ إِيَّاكُم بِتَقْوَى اللهِ، فَقَدْ فَازَ المُتَّقُوْن. قَالَ اللهُ تَعَالىَ فِيْ كِتَابِهِ الْكَرِيْم، بِسْمِ اللهِ الرَّحْمَنِ الرَّحِيْمِ، اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ. صَدَقَ اللهُ الْعَظِيْمُ
Ma’asyiral hadirin rahimakumullah,
Mboten waleh-waleh kawula selaku khatib tansah ngemutaken lewat wasiat takwa, amargi takwa punika dados penentu kawilujengan kita wonten dunya lan akhirat. Kita nyuwun pertolongan Ngarso Dalem Allah, saget nglampahi sedaya perintah-perintahipun, lan nebihi sedaya awisan-awisanipun.
Ma’asyiral hadirin rahimakumullah,
Islam angrupekaken agami ingkang rahmah lan indah. Ing antawis perintah anjagi silaturrahim lan kerukunan sak lebetipun keluarga. Sejalan kalian perkembangan zaman lan peradaban, akhir-akhir punika raos pasedherekan lan silaturrahim antar keluarga lan sesami manungsa semakin berkurang tur mboten dipun prioritasaken, mawi alasan aktivitas ugi kesibukan-kesibukan duniawi lintunipun. Akhiripun ndadosaken manungsa anggadhahi sifat mental-material. Artosipun, sedaya perkawis namung dipun ukur mawi untung ruginipun. Lajeng menawi mboten ngasilaken bandha dunya, dipun anggep mboten wonten faedahipun.
Mila, Islam sanget nganjuraken pentingipun kerukunan utawi pesedherekan antawis keluarga (ukhuwuh nasabiyah), pesedherekan sesami muslim (ukhuwah islamiyah), pasedherekan sesami bangsa (ukhuwah wathaniyah), lan pasedherekan sesami manungsa (ukhuwah basyariyah).
Ma’asyiral hadirin rahimakumullah,
Kita awali saking pasedherekan nasab/keluarga (ukhuwah nasabiyah).
Maksudipun keluarga wonten mriki, yakni sedaya komponen ingkang wonten kaitanipun kalian hubungan nasab, tiyang sepah kalian putra-putranipun, putra mantu, kerabat, sanak famili lan sinten kemawon ingkang anggadhahi kesempatan kontak fisik lan emosional.
Sak lebetipun ikatan punika, kedah dipun jagi kekompakanipun. Kedah ninggalaken sifat egois (ananiyah) ipun. Langkung-langkung ngadhepi kondisi-kondisi sulit, kedah saling mbantu, saling support, saling nguwataken lan saling asah, asih lan asuh. Kinerja sebuah keluarga angrupekaken kunci keberhasilan lan kesuksesan secara global, tegesipun: lingkungan, masyarakat, bahkan bangsa lan negara, ugi umat manungsa. Sedaya berawal saking suksesipun mbangun kerukunan lan keharmonisan hubungan keluarga.
Menawi keharmonisan antar keluarga sampun tercapai, lajeng njagi silaturrahim, kerukunan lan pasedherekan antar sesami muslim (ukhuwah islamiyah).
Allah Ta’ala sampun dhawuh wonten ing Al-Qur’an surat al–Hujurat, ayat 10:
اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ
Artosipun: “Saktemene wong mukmin iku sedulur. Mula saka iku, agawea bagus (damai) antarane sedulurmu kabeh. Lan takwaa marang Allah, supaya pikantuk rahmat.”
Ma’asyiral hadirin rahimakumullah!
Hubungan antawis sesami muslim kedah saling anjagi hak-hak ipun. Lan ingkang paling baken inggih punika saling menghormat. Terkadang, gara-gara beda pendapat saget ngrusak kerukunan lan persatuan. Perkawis peda pendapat punika perkawis ingkang mendasar utawi sunnatullah. Sampun ngantos kita bengkerengan, sesatron, fitnah-fitnahan. Sampun ngantos amargi beda pendapat ndadosaken permusuhan, amargi menawi sesami muslim sampun mboten rukun, mboten mustahil lajeng dipun manfaataken dening tiyang ingkang sengit kalian agami Islam, tegesipun dipun dadosaken kesempatan kangge mecah belah umat Islam. Tentu ngaten punika sanget bahaya, menapa malih wonten zaman akhir punika, tiyang-tiyang ingkang anti Islam tansah pados kesempatan kangge mecah kemanunggalanipun umat Islam.
Monggo kita sami waspada ingkang sak estu-estunipun. Masalah-masalah alit ingkang arupi perbedaan pendapat utawi perpedaan pandangan, umpaminipun, sampun ngantos dipun ageng-agengaken. Kita perhatosaken masalah-masalah ingkang anfa’ utawi manfaat kagem umat Islam. Taksih kathah perjuangan Islam ingkang kedah kita ayahi demi mujudaken Izzul Islam wal Muslimin.
Ma’asyiral hadirin rahimakumullah!
Lajeng sak terusipun kita jagi kerukunan lan pasedherekan bersama antara anak bangsa (ukhuwah wathaniyah) utawi tanah air, lan puncakipun kerukunan lan pesedherekan antar umat manusia wonten alam dunya.
Sedaya kalawau berawal saking peseduluran dan kerukunan antar keluarga utawi ukhuwah nasabiyah. Kados pundi kita tansah anjagi kerukunan, kekompakan, lan silaturrahim ingkang nuwuhaken keharmonisan sak lebetipun gesang kekeluargaan. Haram hukumipun kagem tiyang ing mutus tali silaturrahim.
Ma’asyiral hadirin rahimakumullah,
Tiyang ingkang mutus silaturrahim, tiyang ingkang dipun laknati dening Allah Ta’ala. Dhawuhipun Allah:
أُولَٰئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَىٰ أَبْصَارَهُمْ
“Yaiku wong-wong sing dilaknati dening Allah, mula Allah gawe tuli lan wuta.“
Tegesipun tuli lan wuta kalawau, tiyang ingkang mutus silaturahim punika amargi manahipun sampun terisi raos dengki, mboten saget mirengaken lan ningali kebenaran. Penginipun menang dhewe lan bener dhewe, nganggep tiyang lintu selalu salah, menawi sampun mekaten, terus menerus madosi kesalahanipun sedherek lan tiyang sanes.
Wonten kata perumpamaan:
كُنْ كَالْيَـدَيْنِ وَلاَ تَكُنْ كَاْلأُذُنَـيْنِ .
“Anaha Sira kaya tangan loro, aja ana kaya kuping loro.”
Perumpamaan asta kalih punika gambaran kekompakan. Naliko asta tengen ingkang sakit, asta kiwa ingkang ngobati, lan kosok wangsulipun. Asta ingkang tengen ingkang dhahar, asta kiwa ingkang bagian resik-resik, asta kiwa ingkang ngagem cincin pernikahan, nanging asta kiwa mboten meri. Menawi nuju mlampah, asta tengen wonten ngajeng, asta kiri wonten wingking. Nanging, tansah kompak, sejalan, mangertosi posisi lan fungsinipun piyambak-piyambak.
Mboten kados kuping/talingan. Senahasa manggen wonten tempat ingkang sami, yakni wonten mustaka, nanging tansah mboten seiiring lan sejalan. Menawi talingan ingkang kanan madhepipun ngaler, ingkang kiri mandhep ngidul, menawi ingkang kiri madhep ngetan, ingkang kanan madhep ngilen, makaten sak terusipun. Menawi talingan ingkang kanan midhangetaken suwanten, talingan ingkang kiri tumut nengklengaken, lan kosok wangsulipun. Menika gambaran tiyang tunggal krandhah nanging tansah derdah. Mboten nyadhari posisi lan fungsinipun. Rebut bener lan mboten purun ngalah, namung mikiraken untung lan ruginipun pribadi.
Ma’asyiral hadirin rahimakumullah,
Saking perbedaan pendapat lan pandangan, cara ingkang efektif inggih punika saling terbuka, duduk bersama lan musyawarah, ngilangaken raos egois utawi ananiyah, sahingga tercapailah tujuan bersama dalam keluarga ingkang harmonis lan bahagia. Intinipun, kerukunan dalam keluarga angrupekaken kunci kesuksesan secara global.
Mugi-mugi kita sedaya tansah pinaringan hidayah saking Ngarsa Dalem Allah Ta’ala, saget nglampahi gesang ingkang sahe: sahe secara pribadi, sahe menggahipun tiyang sanes/masyarakat, lan sahe menggahipun Allah. Pikantuk kebahagiaan wonten dunya, lan kebahagiaan wonten akhirat. Aamiin Yaa Rabbal ‘Aalamiin..
جَعَلَنا اللهُ وَإيَّاكم مِنَ الفَائِزِين الآمِنِين، وَأدْخَلَنَا وإِيَّاكم فِي زُمْرَةِ عِبَادِهِ المُؤْمِنِيْنَ
أعُوذُ بِاللهِ مِنَ الشَّيْطانِ الرَّجِيمْ، بِسْمِ اللهِ الرَّحْمانِ الرَّحِيمْ: يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا. باَرَكَ اللهُ لِيْ وَلكمْ فِي القُرْآنِ العَظِيْمِ، وَنَفَعَنِيْ وَإِيّاكُمْ بِالآياتِ وذِكْرِ الحَكِيْمِ. إنّهُ تَعاَلَى جَوّادٌ كَرِيْمٌ مَلِكٌ بَرٌّ رَؤُوْفٌ رَحِيْمٌ
Khutbah II
إِنَّ الْحَمْدَ لِلّٰهِ نَحْمَدُهُ وَنَسْتَعِينُهُ وَنَسْتَغْفِرُهُ، ، وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَّا إِلٰهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، اَللهم صَلِّ وَسَلِّمْ عَلٰى سَيِّدِنَا مُحَمَّدِ الصَّادِقِ الْوَعْدِ الْأَمِيْنِ، وَعَلٰى إِخْوَانِهِ النَّبِيِّيْنَ وَالْمُرْسَلِيْنَ، وَارْضَ اللهم عَنْ أُمَّهَاتِ الْمُؤْمِنِيْنَ، وَآلِ الْبَيْتِ الطَّاهِرِيْنَ، وَعَنِ الْخُلَفَاءِ الرَّاشِدِيْنَ، أَبِيْ بَكْرٍ وَعُمَرَ وَعُثْمَانَ وَعَلِيٍّ، وَعَنِ الْأَئِمَّةِ الْمُهْتَدِيْنَ، أَبِيْ حَنِيْفَةَ وَمَالِكٍ وَالشَّافِعِيِّ وَأَحْمَدَ وَعَنِ الْأَوْلِيَاءِ وَالصَّالِحِيْنَ
أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ فَاتَّقُوْهُ، وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلٰى نَبِيِّهِ الْكَرِيْمِ فَقَالَ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدٍ كَمَا صَلَّيْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْمَ وَبَارِكْ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدٍ كَمَا بَارَكْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اَللّٰهُمَّ اجْعَلْنَا هُدَاةً مُهْتَدِيْنَ غَيْرَ ضٰالِّيْنَ وَلاَ مُضِلِّيْنَ، اَللّٰهُمَّ اسْتُرْ عَوْرَاتِنَا وآمِنْ رَّوْعَاتِنَا وَاكْفِنَا مَا أَهَمَّنَا وَقِنَا شَرَّ ما نَتَخوَّفُ، رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبٰى ويَنْهٰى عَنِ الفَحْشٰاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلٰى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَاتَّقُوْهُ يَجْعَلْ لَكُمْ مِنْ أَمْرِكُمْ مَخْرَجًا، وَلَذِكْرُ اللهِ أَكْبَرُ
*Teks khutbah Jumat berbahasa Jawa edisi Jumat tanggal 11 Maret 2022 ini disusun oleh Kiai Ali Asmungi, Ketua PC LDNU Trenggalek.
