Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكاَتُهُ
اَلْحَمْدُللهِ الَّذِى يَقْبَلُ الْأَعْمَالَ مِنْ عِبَادِهِ بِصِدْقِ النِّيَّاتِ. اَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ عَالِمُ الْغَيْبِ وَالشَّهَادَاتِ. وَاَشْهَدُ اَنَّ سَيِّدَناَ مُحَمَّدًا عَبْدُهُ وَ رَسُوْلُهُ سَيِّدُالْخَلَائِقِ وَالْبَرِيَّاتِ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ صَاحِبِ الْأَيَاتِ وَالْمُعْجِزَاتِ، وَعَلَى اَلِهِ وَاَصْحَابِهِ وَمَنْ تَبِعَهُمْ بِأَفْضَلِ الصَّلاَةِ وَاَزْكَى التَّحِيَّاتِ
اَمَّا بَعْدُ: فَيَاعِبَادَاللهِ، اُوْصِيْكُمْ وَ نَفْسِيْ بِتَقْوَى اللهِ فِى كُلِّ حِيْنٍ وَ اَوْقَاتٍ. قاَلَ اللهُ تَعَالىَ فِى كِتَابِهِ الْكَرِيْمِ، اَعُوْذُ بِاللهِ مِنَ الشَّيْطَانِ الرَّجِيْمِ: اِنَّ الَّذِيْنَ اَمَنُوْا وَالَّذِيْنَ هَاجَرُوْا وَجَاهَدُوْا فِى سَبِيْلِ اللهِ، اُولَئِكَ يَرْجُوْنَ رَحْمَةَاللهِ، وَاللهُ غَفُوْرٌرَّحِيْمٌ . صَدَقَ اللهُ اْلعَظِيْمُ
Jamaah Jum’at ingkang minulya!
Kanthi kebak raos syukur dhateng Ngarso Dalem Allah Ta’ala, ingkang sampun paring mawarni-warni kenikmatan. Sumangga kita tingkataken nilai ketakwaan, kanthi nindakaken sedaya perintah-perintahipun lan nebihi sedaya awisan-awisanipun Allah. Kanthi takwa kita badhe kagungan tujuanipun gesang ingkang jelas, yakni manggihaken kebahagiaan dunya lan akhirat.
Jamaah Jum’at ingkang minulya!
Alhamdulillah, saat menika kita kepanggih malih kalian bulan ingkang dipun mulyakaken, inggih punika wulan Muharram. Artosipun, kita ngawali malih tahun baru Islam. Sumangga kita mbikak lembaran baru sak lebetipun gesang punika, lajeng ngisi kanthi nindakaken perkawis-perkawis ingkang langkung sae lan migunani.
Tumindak sae ingkang sampun kita lampahi wonten tahun kalawingi, kita jagi lan kita tingkataken malih wonten ing tahun punika. Lan tumindak ingkang kurang prayogi, kita tinggalaken lan mboten badhe kita wangsuli malih wonten ing tahun-tahun sak lajengipun. Sedaya kanthi maksud supados gesang kita sak lajengipun tansaya sae lan kagungan nilai utawi kualitas.
Kanjeng Rasul shallallahu alahi wasallam sampun dhawuh:
مَنْ كَانَ يَوْمُهُ خَيْرًا مِنْ أَمْسِهِ فَهُوَ رَابِحٌ. وَمَنْ كَانَ يَوْمُهُ مِثْلَ أَمْسِهِ فَهُوَ مَغْبُوْنٌ. وَمَنْ كَانَ يَوْمُهُ شَرًّا مِنْ أَمْسِهِ فَهُوَ مَلْعُوْنٌ
Cara Jawinipun: “Sing sapa wonge dina iki luwih apik katimbang dina wingi, dheweke kalebu golongane wong kang begjo. Lan sapa wonge dina iki padha karo dina wingi, dheweke kalebu golongane wong kang rugi. Lan sapa wonge kang dina iki luwih ala katimbang dina wingi, mangka dheweke kalebu golongane wong kang cilaka.” (hadis riwayat Hakim)
Jamaah Jum’at ingkang minulya!
Wonten peristiwa ingkang bersejarah sak lebetipun wulan Muharram. Inggih punika, hijrahipun Kanjeng Rasul shallallahu ‘alahi wasallam saking tanah kelahiranipun, Makkah al-Mukarramah dhateng Yasrib utawi Madinah al-Munawwarah. Hijrah ugi dipun tindakaken Nabi Ibrahim, Nabi Yunus, Nabi Yusuf, lan Nabi Musa ‘alaihimus shalatu wassalam.
Hijrah punika mboten amargi kalah utawi nyerah saking mungsuh utawi penguasa ingkang zalim. Ananging strategi perjuangan ingkang langkung ageng kangge ngadhepi mungsuh. Hijrah semata-mata supados saget nindakaken syariat agami lan tegakipun kalimatullah.
Saking peristiwa ingkang bersejarah punika, kita petik hikmah ipun. Yakni, penanaman nilai lan semangat hijrah, kita terapaken sak lebetipun ngayahi gesang wonten alam bebrayan punika. Supados peristiwa bersejarah punika mboten namung sekedar kita peringati blaka, nanging nilai-nilai ingkang agung supadoso dados penyemangat sak lebetipun berjuang negakaken agami Islam.
Semangat hijrah kita dadosaken motivasi kagem mbangun peradaban masyarakat ingkang tertib lan aman, sahingga tercipta masyarakat ingkang madani, terhindar saking kebodohan utawi jahiliyyah ingkang ngrusak peradaban manungsa.
Jamaah Jum’at ingkang minulya!
Kanjeng Nabi shalallahu ‘alaihi wassalam sampun dhawuh:
وَالْمُهَاجِرُ مَنْ هَجَرَ مَانَهَى اللهُ عَنْهُ
Cara Jawinipun: “Wong kang hijrah, yaiku wong kang ninggalake larangane Allah” (HR. Bukhari).
Kanthi makaten, hijrah inggih punika ninggalaken perkawis ingkang dados laranganipun Allah nuju dhateng al-haq utawi perkawis-perkawis ingkang haq ingkang dipun ridhani kalian Allah Ta’ala.
Supados hijrah kita leres nuju dhateng ingkang haq, ingkang pertama kedah kita tata inggih punika niat ingkang leres. Kados ingkang sampun kadhawuhaken Kanjeng Rasul shallallahu ‘alaihi wassalam:
إِنَّمَا اْلأَعْمَالُ بِالنِّيَّاتِ وَإِنَّمَا لِكُلِّ امْرِئٍ مَا نَوَى. فَمَنْ كَانَتْ هِجْرَتُهُ إِلَى اللهِ وَرَسُوْلِهِ فَهِجْرَتُهُ إِلَى اللهِ وَرَسُوْلِهِ، وَمَنْ كَانَتْ هِجْرَتُهُ لِدُنْيَا يُصِيْبُهَا أَوْ امْرَأَةٍ يَنْكِحُهَا فَهِجْرَتُهُ إِلَى مَا هَاجَرَ إِلَيْهِ
Cara jawinipun: “Anging pesthine pira-pira amal iku den ukur sangka niate, lan saben-saben awak-awakan iku den tingali sangka apa-apa kang den niati. Sapa wonge kang hijrahe marang Gusti Allah lan Rosule, mangka hijrahe uga marang Gusti Allah lan Rasule. Lan sapa wonge kang hijrahe krana dunya utawa wong putri kang bakal den nikahi, mangka hijrahe tumuju marang perkara kang den niati.” (HR. Bukhori lan Muslim)
Jamaah Jum’at ingkang dipun rahmati Allah!
Akhiripun, sumangga kita nyuwun hidayah lan ma’unah saking Allah supados saget ngisi lembaran baru wonten ing tahun baru Islam 1444 H punika, kanthi hal-hal ingkang sae. Lan sageto kita sedaya meneladani menapa ingkang sampun dipun ajaraken saking panjenenganipun Kanjeng Rasul shallallahu ‘alaihi wassalam. Tahun punika hingga tahun-tahun ingkang sak terusipun kita langkung sae lan langkung manfaat. Amin Ya Rabbal ‘Alamien.
بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ، وَ نَفَعَنِي وَ اِيَّاكُمْ بِالْاٰيَاتِ وَ الذِّكْرِ الْحَكِيْمِ، اِنَّهُ هُوَ التَّوَّابُ الرَّحِيْم. اَقُوْلُ قَوْلِى هَذَا وَاسْتَغْفِرُاللهَ الْعَظِيْمَ لِيْ وَلِسَائِرِالْمُسْلِمِيْنَ، فَاسْتَغْفِرُوْهُ مِنْ كُلِّ ذَنْبٍ. اِنَّهُ هُوَاْلغَفُوْرُ الرَّحِيْمُ
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ
فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَاتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىئَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ
عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 7 Muharram 1444 H /5 Agustus 2022 ini disusun oleh Kiai Ali Asmungi, Ketua PC LDNU Trenggalek; editor BNA.
