khatib khutbah jumat nu online

Khutbah I

اَلسَّلَامُ عَلَيْكُمْ وَرَحْمَةُ اللهِ وَبَرَكاَتُهُ

اَلْحَمْدُللهِ رَبِّ الْعَالَمِيْنَ. وَالْعَاقِبَةُ لِلْمُتَّقِيْنَ. وَلَاعُدْوَانَ اِلَّا عَلَى الظَالِمِيْنَ. وَاَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ اَلْمَلِكُ الْحَقُّ الْمُبِيْنُ، وَاَشْهَدُ اَنَّ سَيِّدَناَ وَمَوْلَانَا مُحَمَّداً صَادِقُ الْوَعْدِ الْأَمِيْنُ.

 اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَاَصْحَابِهِ وَمَنْ تَبِعَهُمْ بِاِحْسَاٍن اِلَى يَوْمِ الدِّيْنِ

اَمَّا بَعْدُ: فَيَاأَيُّهَاالنَّاسُ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. وَقَالَ اللهُ تَعَالَى فِى كِتَابِهِ الْكَرِيْمِ، اَعُوْذُ بِاللهِ مِنَ الشَّيْطَانِ الرَّجِيْمِ: وَمَا أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي إِنَّ رَبِّي غَفُورٌ رَحِيمٌ. صَدَقَ اللهُ الْعَظِيْمُ

Jamaah Jum’at ingkang minulya!

Ngawali khutbah ingkang kebak barakah punika, dalem mboten waleh-waleh ngemutaken dhumateng para jamaah, khususipun dhumateng pribadi kawula piyambak. Sumangga sedaya perintah-perintah ipun Allah kita tindakaken, lan awisan-awisanipun Allah kita tilaraken. Supados kita sami kalebet golonganipun hamba ingkang kawastanan takwallah, ingkang wilujeng dunya lan akhirat.

Jamaah Jum’at ingkang minulya!

Nembe kemawon kita ngayahi lan memperingati kalih peristiwa ageng wonten bulan punika. Peringatan Tahun Baru Muharram ingkang angrupekaken peringatan tahun baru Islam, saha 17 Agustus ingkang angrupekaken peringatan hari ulang tahun kemerdekaan ingkang kaping 77 tahun. Sedaya kalawau kedah kita syukuri amargi saking agung ipun rahmat lan nikmat saking Ngarsa Dalem Allah Ta’ala.

Selami 77 tahun negari kita Indonesia sampun mardika. Kemerdekaan ingkang kita tampi sampun terwujud secara lahir utawi fisik. Kita sampun terlepas saking penjajah. Nanging, tanpa ngirangi arti kemerdekaan, punapa kita sampun merdeka saking segi batin? Utawi ingkang kawastanan merdeka secara hakiki? Lan punapa kita sampun leres-leres terlepas saking musuh ingkang langkung ageng lan kerusakanipun langkung berbahaya?

Jamaah Jum’at ingkang minulya!

Penjajah ingkang langkung ageng lan berbahaya, yakni hawa nafsu. Bahkan, hawa nafsu angrupekaken sumber kerusakan lahir lan batin. Bahkan, tiyang ingkang merangi hawa nafsu punika kalebet mujahid (tiyang jihad) ingkang hakiki.

Kanjeng Rasul shallallahu ‘alaihi wassalam sampun dhawuh:

اَلْمُجَاهِدُ مَنْ جَاهَدَ نَفْسَهُ فىِ طَاعَةِ الله

Ingkang artosipun: “Mujahid (wong kang jihad), yaiku wong kang merangi nafsune krana tha’at maring Allah.” (HR. Ahmad)

Kemerdekaan ingkang hakiki, yakni nalikanipun jiwa kita terbebas saking cengkeramanipun hawa nafsu.

Kemerdekaan ingkang hakiki kagem pejabat, nalikanipun saget terbebas saking mental korup. Kemerdekaan hakikinipun pedagang, terbebas saking sikap curang. Kemerdekaan kagem mahasiswa, pelajar, santri, terbebas saking sifat malas belajar. Kemerdekaan saking pemegang status sosial, terbebas saking sikap sombong, congkak lan berbangga diri. Kemerdekaanipun tiyang sugih (aghniya’), terbebas saking sifat sombong lan kikir. Para Guru, pengajar, ustadz, ugi kedah memerdekakan dhirinipun saking korup waktu, lan niat selain mengabdi. Makaten sak terusipun. Semanten ugi, merdeka secara pribadi utawi individu. Sak lebetipun gesang bermasyarakat, kita kedah terbebas saking sifat-sifat tercela utawi winada, kados iri, drengki (hasud), berburuk sangka lan sifat-sifat ingkang ndadosaken perpecahan lan ngrusak kerukunan.

Menawi sampun terbebas saking sifat-sifat kasebat, kita bangsa Indonesia saget kawastanan merdeka ingkang hakiki.

Jamaah Jum’at ingkang minulya!

Nabi shallallahu ‘alaihi wassalam lan para shahabatipun, ugi para nabi lan rasul sampun paring patuladan sak lebetipun perjuangan negakaken agaminipun Allah. Sedaya kanthi sabar lan ikhlas. Berkorban lahir lan batin, jiwa lan raga, ugi materi. Sedaya kalawau namung semata-mata krana Allah lan nggayuh ridhanipun Allah. Sedaya kalawau saget kita damel patuladan sak lebetipun berjuang lan gesang. Kanthi harapan kita saget manggih kebahagiaan wonten dunya lan benjang wonten akhirat.

Menawi kita sampun merdeka saking penjajahan hawa nafsu, kita badhe pikantuk kebahagiaan. Amargi kebahagiaan punika mboten dipun ukur saking materi, derajat, pangkat lan status sosial lintunipun.

Kados ingkang kadhawuhaken saking Imam al-Ghozali:

السَّعَادَةُ كُلُّهَا فِي أَنْ يَمْلِكَ الرَّجُلُ نَفْسَهُ وَالشَّــقَــاوَةُ فِي أَنْ تَمْـلِـكَـــهُ نَفْـسُــــهُ

Artosipun: ” Wong kang bahagia iku nalikane bisa nguwasani nafsune, lan wong kang sengsara utawa cilaka iku nalikane dikuwasani nafsune.”

Mugi-mugi kanthi ridhanipun Allah Ta’ala kita sedaya pikantuk hidayah lan inayahipun. Bahagia wonten dunya lan bahagia wonten akhirat, wilujeng wonten dunya lan akhirat.

بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ وَ نَفَعَنِي وَ اِيَّاكُمْ بِمَافِيْهِ مِنَ الْاٰيَاتِ وَ الذِّكْرِ الْحَكِيْمِ. وَتَقَبَّلْ مِنِّى وَ مِنْكُمْ تِلاَوَتَهُ اِنَّهُ هُوَالسَّمِيْعُ الْعَلِيْمُ. اَقُوْلُ قَوْلِى هَذَا وَاسْتَغْفِرُاللهَ الْعَظِيْمَ لِيْ وَلَكُمْ وَلِسَائِرِالْمُسْلِمِيْنَ، فَاسْتَغْفِرُوْهُ مِنْ كُلِّ ذَنْبٍ. اِنَّهُ هُوَاْلغَفُوْرُ الرَّحِيْمُ

Khutbah II  

اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ

فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ

اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَاتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىئَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ

عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Teks Khutbah Jumat berbahasa Jawa edisi 28 Muharram 1444 H / 26 Agustus 2022 ini disusun oleh Kiai Ali Asmungi, Ketua PC LDNU Trenggalek; editor BNA.
You May Also Like

Bacaan dan Tata Cara Bilal Shalat Jumat (Panduan Singkat)

Dalam pelaksanaan shalat Jumat, bilal atau muraqqi mempunyai peran yang penting. Bilal…

Khutbah Jumat Basa Jawa LDNU Trenggalek: Makna lan Kautamaan Wulan Rajab

Khutbah I الحَمْدُ لِلهِ الَّذِيْ خَلَقَ الزّمَانَ وَفَضَّلَ بَعْضَهُ عَلَى بَعْضٍ فَخَصَّ…

Tata Cara dan Bacaan Bilal Salat Idul Adha

Bilal atau Muraqqi adalah seseorang yang bertugas mengumandangkan tarqiyah (seruan kepada jamaah untuk melaksanakan salat). Berikut tata cara dan bacaan bilal salat Idul Adha.

Khutbah Jumat Bahasa Jawa LDNU Trenggalek: Esensi Syukur

Khutbah I الْحَمْدُ لِلهِ الَّذِيْ اخْتَارَ الْبَقَاءَ لِنَفْسِهِ وَارْتَضَاهُ. وَحَكَمَ فِيْهِمْ بِعَدْلِهِ…