Khutbah Jumat Basa Jawa: Wong Alim kang Fasiq lan Wong Bodho kang Ahli Ibadah

Khutbah I

اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ

اَلْحَمْدُللهِ الَّذِى فَضَّلَ بَنِى آدَمَ بِالْعِلْمِ وَ الْعَمَلِ عَلَى جَمِيْعِ الْعَالَمِ. اَشْهَدُاَنْ لَااِلَهَ اِلَّااللهُ وَحْدَهُ لَاشَرِيْكَ لَهُ شَهَادَةً تُنْجِى مِنِ انْتِقَامٍ، وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ سَيِّدُالْأَنَامِ

اَللَّهُمَّ فَصَلِّ وَسَلِّم وَبَارِكْ عَلَى سَيِّدِنَا وَمَوْلَانَا مُحَمَّدٍ سَيِّدِ الْعَرَبِ وَالْعَجَمِ، وَعَلَى آلِهِ وَاَصْحَابِهِ يَنَابِيْعِ الْعُلُوْمِ وَالْحِكَمِ

اَمَّا بَعْدُ: فَيَا عِبَادَاللهِ! اِتَّقُواااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَدْ قَالَ اللهُ تَعَالَى فِى كِتَابِهِ الْكَرِيْمِ، اَعُوْذُ بِاللهِ مِنَ الشَّيْطَانِ الرَّجِيْمِ: شَهِدَ اللَّهُ أَنَّهُ لَا إِلَٰهَ إِلَّا هُوَ وَالْمَلَائِكَةُ وَأُولُو الْعِلْمِ قَائِمًا بِالْقِسْطِ ۚ لَا إِلَٰهَ إِلَّا هُوَ الْعَزِيزُ الْحَكِيمُ. صَدَقَ اللهُ الْعَظِيْمُ

Jamaah Jum’at ingkang minulya,

Mangga samiyo netepi takwa dhumateng Gusti Allah Ta’ala, ateges tansah ndherek perintah-perintahipun lan nebihi awisan-awisanipun, supados saget nggayuh kawilujengan wonten dunya lan akhiratipun.

Lan mangertoso bilih sedaya gegayuhan, sami ugi perkawis dunya utawi akhirat menika kedah mawi ngelmu.

Kanjeng Rasul shallallahu ‘alaihi wasallam dhawuh wonten ing hadits ingkang dipun riwayataken Ibnu ‘Asakir:

مَنْ أَرَادَ الدُّنْيَا فَعَلَيْهِ باِلعِلْمِ وَمَنْ أَرَادَ الآخِرَةَ فَعَلَيْهِ باِلعِلْمِ وَمَنْ أَرَادَهُمَا فَعَلَيْهِ باِلعِلْمِ

Artosipun: “Sapa wonge kang ngarepake urusan dunya, mangka netepana ngelmune. Lan sapa wonge kang ngarepake urusan akhirat, mangka netepana ngelmune. Lan sapa wonge kang ngarepake urusan dunya lan akhirat, uga netepana ngelmune.”

Jamaah Jum’at ingkang minulya,

Prayogi sak lebetipun kita ngudi ngelmu, mangertosi niatipun. Ing antawis nuprih ridhanipun Allah Ta’ala, kagem tujuan akhirat, karana ngicali sifat bodho, ugi niat ngurip-ngurip lan njagi langgengipun agami Islam. Jalaran, sakyektosipun tetep lan langgengipun Agami Islam menika sarana ngelmu.

Jama’ah,

Ngelmu menika minangka roh-ipun Islam, lan mboten sah nindakaken ngibadah tanpa ngelmu.

Sinebut wonten kitab Ta’limul Muta’allim, Syaikh Burhanuddin (penganggit kitab Hidayah), wonten ing syiir-ipun:  

فَسَادٌ كَبِيْرٌ عَالِمٌ مُتَهَتِّـــــــــــــــــكُ ۩ وَأَكْبَرُ مِنـــــــْهُ جَاهِلٌ مُتَنَسِّكُ

هُمَـــا فِتْنَةٌ فِى الْعَالَمِيْنَ عَظِيْمَةٌ۩ لِمَنْ بِهِمَا فِى دِيْنِهِ يَتَمَسَّـــكُ

Artosipun: “Wong ngalim kang tumindake nulayani agama iku gawe kerusakan kang gedhe, nanging luwih gedhe banget kerusakane yaiku wong bodho kang ngibadah.

Karo-karone wong iku mau dadi fitnah kang gedhe ana alam dunya, tumprap wong kang manut ing salah suwijine. Tegesipun, piyantun ingkang ngalim nanging tumindakipun fasiq (maksiat), menika nuwuhaken kerusakan ingkang ageng, amargi, senaoso piyambakipun ngalim, nanging mboten ngamalaken ngelmunipun. Ngajak dhateng keimanan, ketakwaan lan ngamal shaleh, nanging piyambakipun mboten nindakaken. Tamtu tumindak makaten meniko badhe nyesataken umat.

Semanten ugi, piyantun bodho ingkang ahli ngibadah. Amargi mboten kagungan ngelmunipun ngibadah, piyambakipun gampil kabujuk kalian syaithan. Paring tuntunan dhateng umat mboten mawi ngelmu, namung mawi akal lan nafsunipun. Ingkang mekaten menika mboten namung piyambakipun ingkang sesat, nanging ugi nyesataken tumprap umat ingkang ndherek dhateng petuah-petuahipun.

Kekalihipun piyantun ingkang kasebat kalawau, sami-sami badhe nuwuhaken fitnah ingkang ageng, lan mboten kenging kagem panutan/imam.

Jamaah Jum’at ingkang minulya,

Wonten masalah menika perlu kawula aturaken, mboten ateges nyalahaken utawi ngritik piyantun ingkang ibadah. Mangga ibadah ingkang istiqamah, nanging sampun ngantos nilaraken thalabul Ilmi, supados ibadah kita jumbuh kaliyan tuntunan syari’at ingkang sampun kalampah.

Mangga kita sami migatosaken pentingipun ngudi ngelmu, lan kedah kita pasrahaken dhateng ahlinipun, yakni piyantun ngalim lan ngamalaken ngelmunipun, ugi ahli ngibadah. Sampun ngantos kita terjebak kalian penampilan. Amargi penampilan mboten nedahaken dhateng kuwalitas utawi nilainipun piyantun.

Kanthi nyuwun hidayahipun Gusti Allah Ta’ala, mugi-mugi kita sedaya pikantuk ngelmu ingkang barakah manfaat fiddini waddunya wal akhirah.

باَرَكَ اللهُ لِىْ وَلَكُمْ فِى الْقُرْآنِ الْعَظِيْمِ. وَ نَفَعَنيِ وَ إِيَّاكُمْ بِمَا فِيْهِ مِنَ الْأَياَتِ وَ الذِّكْرِ الْحَكِيْمِ وَتَقَبَّلْ مِنّىِ وَ مِنْكُمْ تِلاَوَتَهُ إِنَّهُ هُوَالسَّمِيْعُ اْلعَلِيْمُ. أَقُوْلُ قَوْلِيْ هَذَا وَأَسْتَغْفِرُاللهَ الْعَظِيْمَ لِيْ ولَكُمْ وَلِسَائِرِ الْمُسْلِمِيْنَ. فَاسْتَغْفِرُوْهُ مِنْ كُلِّ ذَنْبٍ، إِنَّهُ هُوَالْغَفُوْرُ الرَّحِيْمُ

Baca juga: Bacaan dan Tata Cara Bilal Shalat Jumat (Panduan Singkat)

Khutbah II

اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ

فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ. اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىأَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ

عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَخْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Teks Khutbah Jumat berbahasa Jawa edisi 29 Jumadil Awal 1444 H / 23 Desember 2022 ini disusun oleh Kiai Ali Asmungi, Ketua PC LDNU Trenggalek; editor BNA.

Exit mobile version