Khutbah Jumat Basa Jawa: Tandha-tandhanipun Mukmin Sejati

Khutbah I

اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ

اَلْحَمْدُللهِ الَّذِى خَلَقَ الْإِنْسَانَ فِى اَحْسَنِ تَقْوِيْمٍ. وَأَنْزَلَ السَّكِيْنَةَ عَلَى قُلُوْبِ الْمُؤْمِنِيْنَ الْمُتَمَسِّكِيْنَ بِحَبْلِ اللهِ الْمَتِيْنِ. أَشْهَدُ اَنْ لَااِلَهَ اِلَّااللهُ وَحْدَهُ لًاشَرِيْكَ لَهُ الرَّؤُوْفُ الرَّحِيْمُ. وَأَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ الْمَبْعُوْثُ رَحْمَةً لِلْعَالَمِيْنَ

اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَاناَ مُحَمَّدٍ وَعَلَى آلِهِ وَاَصْحَابِهِ وَمَنْ تَبِعَهُمْ بِاِحْسَانٍ اِلَى يَوْمِ الدِّيْنِ. اَمَّا بَعْدُ: فَيَا عِبَادَاللهِ! اِتَّقُواااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَدْ قَالَ اللهُ تَعَالَى فِى كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ

يآأَيُّهَاالَّذِيْنَ اَمَنُوْاارْكَعُوْاوَاسْجُدُوْاوَاعْبُدُوْا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُوْنَ. صَدَقَ اللهُ الْعَظِيْمُ

Kaum muslimin ingkang dipun rahmati Allah,

Alhamdulillah, sedaya puji lan syukur kita aturaken dhateng Ngarsa Dalem Allah Subhanahu wa Ta’ala, atas sedaya nikmat ingkang sampun dipun anugerahaken dhateng kita.

Kagem mujudaken raos syukur kasebat, mangga kita tingkataken takwa kita dhateng Ngarsa Dalem Allah Ta’ala, kanthi nindakaken sedaya perintahipun lan nebihi sedaya awisanipun. Saking kathahipun nikmat ingkang sampun kita tampi saking Allah Ta’ala, wonten setunggal nikmat ingkang sanget agung nilainipun, yakni nikmat iman.

Kaum muslimin ingkang dipun rahmati Allah,

Mukmin sejati inggih menika, piyantun ingkang leres-leres imanipun dhateng Allah Ta’ala, patuh dhateng sedaya perintahipun, lan nebihi dhateng sedaya awisanipun, ugi manfaat dhateng sesaminipun.

Wondene tandha-tandha mukmin ingkang sejati, kados ingkang sampun dipun tegasaken kaliyan Allah Ta’ala wonten ing Al-Qur’anul Karim:

اِنَّمَا الْمُؤْمِنُوْنَ الَّذِيْنَ اِذَا ذُكِرَ اللّٰهُ وَجِلَتْ قُلُوْبُهُمْ وَاِذَا تُلِيَتْ عَلَيْهِمْ اٰيٰتُهُ زَادَتْهُمْ اِيْمَانًا وَّعَلٰى رَبِّهِمْ يَتَوَكَّلُوْنَۙ الَّذِيْنَ يُقِيْمُوْنَ الصَّلٰوةَ وَمِمَّا رَزَقْنٰهُمْ يُنْفِقُوْنَۗ

Artosipun: “Sak temene wong-wong kang padha iman, yaiku dheweke sing nalikane disebut asmane  Allah gemeter atine. Lan nalikane den waca ayat-ayate Allah, tambah (kuat) imane lan amung marang Pengeran dheweke tawakal. (Yaiku) wong-wong kang njumenengi shalat, lan nginfakake seperangan songko rezekine kang wus den paringake Allah marang dheweke.” (Q.S. al-Anfal: 2-3)

Saking kalih ayat kasebat, wonten gangsal tandha-tandhanipun piyantun ingkang kawastanan mukmin sejati:

Sepisan

اِنَّمَا الْمُؤْمِنُوْنَ الَّذِيْنَ اِذَا ذُكِرَاللهُ وَجِلَتْ قُلُوْبُهُمْ

Kalimat tauhid minangka kalimat ingkang agung. Pramila, saben mukmin ingkang sejati, badhe gemeter manahipun nalika midhanget asmanipun Allah dipun sebat. Tuwuh raos ajrih sak lebetipun manah, minangka wujud anggenipun ngagungaken dhateng Allah Ta’ala.

Tanda ingkang kaping kalih,

وَاِذَا تُلِيَتْ عَلَيْهِمْ اٰيٰتُهُ زَادَتْهُمْ اِيْمَانًا

Bukti keimanan piyantun, inggih punika nalika midhanget ayat-ayat ipun Allah Ta’ala, sae menika ingkang dipun waos piyambak, utawi ingkang dipun midhanget saking piyantun sanes, saget tambah meningkat nilai keimananipun dhateng Allah Ta’ala.

Lan kanthi ayat-ayat ingkang dipun midhanget kasebat, piyantun kalawau saget termotivasi dados piyantun ingkang langkung sae lan langkung manfaat.

Kaping tiga, ingkang dados tandha mukmin ingkang sejati inggih punika:

وَعَلَى رَبِّهِمْ يَتَوَكَّلُوْنَ

Piyantun beriman utawi mukmin, ingkang sak leres-leresipun mukmin, inggih menika piyantun ingkang tansah nyandhar aken urusanipun namung dhateng Allah Ta’ala. Langkung-langkung sak lebetipun kawontenan ingkang awrat kados sak menika.

Kados dene wontenipun bencana alam banjir, tanah longsor, gempa, lan sak wenehipun. Kita kedah tawakal, nyandhar aken harapan namung dhateng Allah Ta’ala, amargi sedaya sampun dados kersa lan takdiripun.

Kaum muslimin ingkang dipun rahmati Allah,

Wondene tandha mukmin sejati ingkang kaping sekawan,

اَلَّذِيْنَ يُقِيْمُوْنَ الصَّلَوةَ

Piyantun ingkang istiqamah njumenengi shalat, sae menika shalat ingkang wajib ugi shalat ingkang sunah.

Lan tanda ingkang kaping gangsal,

وَمِمَّا رَزَقْنَهُمْ يُنْفِقُوْنَ

Piyantun ingkang mukmin sejati, kedah kagungan jiwa sosial ingkang inggil. Nginfakaken seperangan bandhanipun wonten ing marginipun Allah Ta’ala, kagem mbantu sedherek-sedherek kita ingkang mbetahaken.

Kados fakir miskin, anak yatim, lan sedherek-sedherek ingkang wekdal sak menika nampi musibah, bencana alam amargi banjir, tanah longsor, gempa, lan sak wenehipun.

Gangsal tanda mukmin sejati kasebat, dipun tegesaken malih kaliyan Allah Ta’ala wonten ing ayat sak banjuripun:

اُولۤئِكَ هُمُ الْمُؤْمِنُوْنَ حَقًّا، لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيْمٌ

Artosipun: “Dheweke iku wong-wong kang benar-benar iman (kang haq/sejati) lan dheweke bakal pikantuk drajat (mulya) ana ngarsa Pangerane lan pangapura, serta rezeki (nikmat) kang mulya.” (Q.S. al-Anfal: 4)

Mugi-mugi Allah Ta’ala tansah paring hidayahipun, sahingga kita dados pribadi ingkang beriman lan bertakwa, ugi manfaat dhateng sesama.

باَرَكَ اللهُ لِىْ وَلَكُمْ فِى الْقُرْآنِ الْعَظِيْمِ. وَ نَفَعَنيِ وَ إِيَّاكُمْ بِمَا فِيْهِ مِنَ الْأَياَتِ وَ الذِّكْرِ الْحَكِيْمِ وَتَقَبَّلْ مِنّىِ وَ مِنْكُمْ تِلاَوَتَهُ إِنَّهُ هُوَالسَّمِيْعُ اْلعَلِيْمُ. أَقُوْلُ قَوْلِيْ هَذَا وَأَسْتَغْفِرُاللهَ الْعَظِيْمَ لِيْ ولَكُمْ وَلِسَائِرِ الْمُسْلِمِيْنَ. فَاسْتَغْفِرُوْهُ مِنْ كُلِّ ذَنْبٍ، إِنَّهُ هُوَالْغَفُوْرُ الرَّحِيْمُ

• Baca juga: Bacaan dan Tata Cara Bilal Shalat Jumat (Panduan Singkat)

Khutbah II

اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ

فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ

 اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىأَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ

عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَخْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Teks Khutbah Jumat berbahasa Jawa edisi 9 Desember 2022 ini disusun oleh Kiai Ali Asmungi, Ketua PC LDNU Trenggalek; editor BNA/Imha. | Ralat judul. Judul sebelumnya: Yuswa ingkang Manfaat.