Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكاَتُهُ
اَلْحَمْدُ للهِ الَّذِى أَمَرَناَ بِتَرْكِ الْمَناَهِي وَفِعْلِ الطَّاعَاتِ. أَشْهَدُ اَنْ لَااِلَهَ اِلَااللهُ وَحْدَهُ لَاشَرِيْكَ لَهُ ذُوْالْجَلاَلِ وَ اْلإِكْراَمِ، وَأَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ الدَّاعِي بِقَوْلِهِ وَ فِعْلِهِ اِلَى الرَّشَادِ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلاَنَا مُحَمَّدٍ وَعَلَى اَلِهِ وَاَصْحَابِهِ الْهَادِيْنَ لِلصَّوَابِ، وَ عَلَى التَّابِعِيْنَ لَهُمْ بِإِحْسَانٍ إِلَى يَوْمِ الْمَآبِ
أَمَّابَعْدُ، فَيَا أَيُّهَاالْمُسْلِمُوْنَ، اِتَّقُوااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ! فَقَدْ قاَلَ اللهُ تَعاَلَى فِى كِتاَبِهِ الْكَرِيْمِ: اَعُوْذُ بِاللهِ مِنَ الشَّيْطَانِ الرَّجِيْمِ، لاَجرَمَ اَنَّ اللهَ يَعْلَمُ مَايُسِرُّوْنَ وَ مَايُعْلِنُوْنَ، إِنَّهُ لاَيُحِبُّ الْمُسْتَكْبِرِيْنَ. صَدَقَ اللهُ اْلعَظِيْمُ
Ma’asyiral muslimin rahimakumullah,
Namung kanthi takwa, kita badhe pikantuk kebahagiaan lan kawilujengan wonten dunya lan menika, lan benjang wonten akhirat. Awit saking punika, sumangga kita tingkataken takwa kita dhateng Ngarsa Dalem Allah Subhanahu wa Ta’ala. Dhawuh perintah-perintah ipun Allah Ta’ala kita tindakaken, lan ingkang dados awisan-awisanipun kita tebihi kanthi sabar lan ikhlas.
Lan mangga ngantos-ngantos kalian perbuatan utawi sifat ingkang saget ngrusak amal shalih, lan saget anjalari kita pikantuk bendu ingkang agung saking Ngarsa Dalem Allah Ta’ala, yakni: sifat takabur (sombong).
Ma’asyiral muslimin rahimakumullah,
Dhawuhipun Allah Ta’ala wonten ing Al-Qur’anul Karim, Surat Al-Mu’min, ayat 60:
إِنَّ الَّذِيْنَ يَسْتَكْبِرُوْنَ عَنْ عِبَاَدتِي سَيَدْخُلُوْنَ جَهَنَّمَ دَاخِرِيْنَ
Artosipun: “Sak temene wong-wong kang padha takabur (sombong), andoh saking ngibadah maring ingsun iku bakal mlebu neraka jahannam kanthi ina.”
Kanjeng Rasul Muhammad shallallahu ‘alaihi wassalam ugi dhawuh:
لاَيَدْخُلُ اْلجَنَّةَ مَنْ كَانَ فِى قَلْبِهِ مِثْقَالُ حَبَّةٍ مِنْ خَرْدَلٍ مِنْ كِبْرٍ. (رواه مسلم)
Artosipun: “Ora bakal mlebu suwarga wong kang ing atine ana rasa takabur senajan mung sak bobote wiji sawi.” (HR. Muslim)
Ma’asyiral muslimin rahimakumullah,
Islam punika agami ingkang mulya, ingkang ngajaraken akhlak ingkang mulya lan luhur, andhap asor, lan ngajeni dhateng sesami, tebih saking sifat sombong/ gumedhe/ takabur. Maksud ipun takabur, kados dhawuhipun Kanjeng Nabi Muhammad shallallahu ‘alaihi wassalam:
اَلْكِبْرُ بَطَرُ الْحَقِّ وَغَمْطُ النَّاسِ (رواه مسلم)
Artosipun: “Takabur (sombong), yaiku nolak perkara kang haq (bener), lan nganggep remeh marang liyan (manungsa). (HR. Muslim).
Saking hadits wonten nginggil, kita pendhet kriteria (ciri-ciri) sombong:
Sepindah, sombong dhateng Allah Ta’ala, yakni nolak dhateng perintah-perintah ipun Allah.
Kaping kalih, sombong dhateng para rasulipun Allah, yakni ngingkari lan mboten tundhuk dhateng ajaran-ajaran lan tuntunan-tuntunipun para rasul.
Kalih kesombongan punika kalebet kategori (golongan) perilaku kufur.
Kaping tiga, sombong dhateng makhluk. Kesombongan dhateng makhluk saget wonten perkawis urusan bandha lan kedudukan/ pangkat, penampilan, lan ugi urusan ilmu lan amal.
Sombong wonten urusan bandha lan pangkat, cirinipun ngginakaken bandha lan pangkat ipun mboten amanah, bahkan cidro lan khianah. Bandhanipun mboten dipun tasharufaken dhateng kesaenan, lan pangkat ipun damel sewenang-wenang ingkang ngrugekaken dhateng kepentingan masyarakat.
Sombong wonten urusan penampilan, yakni penampilan ingkang berlebihan. Ingkang mboten cocok kalian kawontenan.
Wondene sombong wonten ilmu, biyasanipun: keras paring usulan, nanging mboten kersa nampi saran, ngraos pendhapatipun paling leres lan nganggep remeh dhateng pendhapatipun tiyang sanes. Kepengin prioritas (dipun utamekaken), dipun ajeni, lan dipun sanjung.
Lan wonten perkawis amal, tiyang sombong punika memandhang pribadhinipun ingkang paling leres lan sampurna amal lan ibadahipun. Akhiripun tuwuh sifat ‘ujub, ingkang sifat menika langkung mbahayani, tercela, lan saget ngrusak ganjaranipun amal. Na’udzubillah min dzalik.
باَرَكَ اللهُ لِى وَلَكُمْ فِى اْلقُرْآنِ الْعَظِيْمِ، وَ نَفَعَنِيْ وَ إِيَّاكُمْ بِمَا فِيْهِ مِنَ الْأَياَتِ وَالذِّكْرِالْحَكِيْمِ، وَتَقَبَّلْ مِنِّى وَ مِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ اَقُوْلُ قَوْلِيْ هَذَا وَاسْتَغْفِرُاللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ، فَاسْتَغْفِرُوْهُ مِنْ كُلِّ ذَنْبٍ. إِنَّهُ هُوَالْغَفُوْرُ الرَّحِيْمُ
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ
فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَاتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىئَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ
عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 19 Safar 1444 H / 16 September 2022 ini disusun oleh Kiai Ali Asmungi, Ketua PC LDNU Trenggalek; editor BNA.
