Khutbah I
اَلْحَمْدُ لله، اَلْحَمْدُ للهِ الَّذِيْ أَنْزَلَ الْفُرْقَانَ لِلْعَالَمِيْنَ بَشِيْرًا وَنَذَيِرًا، أَشْهَدُ أَنْ لَا إِلَهَ إِلاَّ اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ الْمَبْعُوْثُ الَّذِيْ أَنْزَلَ عَلَيْنَا بِأَنْوَاعِ النِّعَمِ مِدْرَارًا
اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ الَّذِيْنَ يُطَهِّرُوْنَ اللهَ تَطْهِيْرًا. فَيَا اَيُّهَا الْحَاضِرُوْنَ، أُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ
قَالَ اللهُ فِىْ كِتَابِهِ الْكَرِيْمِ. بسم الله الرحمن الرحيم، إِنَّا أَنْزَلْنَاهُ فِي لَيْلَةِ الْقَدْرِ، وَمَا أَدْرَاكَ مَا لَيْلَةُ الْقَدْرِ، لَيْلَةُ الْقَدْرِ خَيْرٌ مِنْ أَلْفِ شَهْرٍ ، تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ ، سَلَامٌ هِيَ حَتَّى مَطْلَعِ الْفَجْرِ
Jama’ah Jum’ah Rahimakumullah,
Ngawiti khutbah punika, mangga wonten akhir Ramadhan ingkang kebak rahmah punika, kula panjenengan tingkataken ketakwaan dhumateng Allah kanthi saestu, sarana ngupaya kanthi optimal nglampahi sedaya perintah lan nebihi sedaya awisan-awisanipun Allah Swt.
Allah sampun dhawuh:
اتَّقُوا اللَّـهَ حَقَّ تُقَاتِهِ
“Takwaha sira kabeh marang Allah kelawan saktemene takwa.”
Asring sanget kula panjenengan ngucapaken utawi mireng kalimat punika. Ananging, sampun punapa dereng kula panjenengan dados tiyang ingkang takwa? Mboten namung status mawon ingkang kedah dipun rubah, ananging manah ingkang kebak takwallah, nglampahi sedaya perintahipun lan nebihi sedaya awisannipun, syukur ingatase nikmat lan mboten supe dhateng Allah Swt.
Dhawuhipun Allah Swt:
وَلَا تَمُوتُنَّ إِلَّا وَأَنتُم مُّسْلِمُونَ
“Sira kabeh aja mati kejaba ngugemi agama Islam.”
Perlu dipun mangertosi bilih ingkang dados standar kesaenan menungsa inggih punika penutup utawi pungkasane, mboten awale. Proses punika memang penting, tapi sedaya proses tetep tergantung kalian pungkasane. Pungkasan punika dados ukuran, tiang punika termasuk tiang sae, tiang sukses utawi tiang-tiang ingkang rugi.
Jama’ah Rahimakumullah,
Sekedap malih Ramadhan bakal ninggal kula panjenengan sedaya. Nembe mawon kula panjenengan mirengaken ucapan-ucapan tahniah, ucapan-ucapan Marhaban Ya Ramadhan. Tapi subhanallah, Cepet sanget, Ramadhan bakal ninggalaken kula panjenengan sedaya. Wonten sebagian tiang ngebaki wulan Ramadhan kelawan tumindak sae. Tapi wonten ugi tiang-tiang ingkang ngeremehaken wulan Ramadhan. Bahkan, wonten sebagian tiang ingkang mboten ngelampahi siyam wonten wulan ramadhan. Elingo sira kabeh. Ingkang dados acuan kula panjenengan sedaya sukses napa mboten ing wulan Ramadhan inggih punika penutup utawi pungkasan.
Ma’asiral Muslimin ingkang Minulya,
Cobi kula panjengan ningali kanjeng Nabi Muhammad saw, punapa mawon ingkang panjenenganipun lampahi wonten ing 10 dinten akhir utawi puncak Ramadhan?
‘Aisyah radhiyallahu ‘anha, ndhawuhaken:
كَانَ النَّبِيُّ صَلَّى اللَّهُ عَلَيْهِ وَسَلَّمَ يَجْتَهِدُ فِي الْعَشْرِ الْأَوَاخِرِ مَا لَا يَجْتَهِدُ فِي غَيْرِهِ
Ingkang artosipun: “Nabi Muhammad saw sedasa dinten ingkang akhir mempeng sanget, kanjeng Nabi mboten ngelampahi kados mekaten ing dinten-dinten lintunipun,” (HR. Muslim)
Punapa kula panjenengan tetep semangat utawi justru malah lemes? Semangat kula panjenengan mulai kendor, mboten kados awal-awal Ramadhan.
Rasulullah saw mboten namung ibadah kagem piyambakipun mawon. Kanjeng Nabi ugi mikir keluarganipun. Kanjeng Nabi nggugah garwanipun, nggugah putrinipun, nggugah mantunipun, sinambi ngencengi sarungipun.
كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا دَخَلَ الْعَشْرُ أَحْيَا اللَّيْلَ وَأَيْقَظَ أَهْلَهُ وَجَدَّ وَشَدَّ الْمِئْزَرَ
“Nalika Rasulullah saw mlebet sedasa terakhir, Kanjeng Nabi nguri-nguri wenginipun lan nggugah keluarganipun ugi ngencengi sarungipun.” (HR. Muslim)
Kanjeng Nabi Muhammad menungso ingkang mulya sanget, mboten gadah dosa kepungkur utawi ingkang badhe kalampah, Kanjeng Nabi tetep gugah keluarganipun. Kanjeng Nabi nggugah garwanipun supados ndherek ibadah. Kanjeng Nabi wonten dalemipun Fatimah, dhateng dalemipun Ali bin Abi Thalib, lajeng kanjeng Nabi nggugah kekalihipun kelawan ngucap:
أَلَا تُصَلِّيَانِ
“Apatah sira (Fatimah lan Ali bin AbiThalib) gak gelem ngelakoni shalat?” (HR. Bukhari)
Ma’asiral Muslimin ingkang Minulya,
Punika lah wancinipun berlomba-lomba. Ramadhan punika dereng mantun. Kanjeng Nabi ngencengi sarung lan cancut tali wondo semangat ibadah.
Ananging sakwangsulipun, sebagian kula panjenengan justru wonten ing sedasa dinten terakhir Ramadhan malah ngendoni sarung, sibuk kalian daharan, sibuk ndamel jajanan, lan sibuk kegiatan-kegiatan ingkang sejatosipun saget dipun tilar.
‘Aisyah dhawuh bilih Rasulullah saw wonten ing rongpuluh (20) dinten terakhir mboten nate sare. Demi angsal hasil ingkang sampurna.
Kanjeng nabi ninggalaken dalemipun, kanjeng nabi ninggal urusan dipanipun, kanjeng nabi ninggal keluarganipun sakperlu rawuh wonten dalemipun Allah ‘Azza WaJalla, ngelampahi i’tikaf.
Wonten ing bumi punika katah sanget dalemipun Allah, wonten pundi dalemipun Allah? Rasulullah SAW ngendikan:
أَحَبُّ الْبُقَاعِ إِلَى اللهِ مَسَاجِدُهَا
“Panggonan sing paling disenengi Allah nang bumi yaiku masjid-masjidipun.” (HR. Muslim)
Ma’asiral Muslimin ingkang Minulya,
Mangga, mumpung taksih wonten sisa dinten Ramadhan ingkang kedah kula panjenengan perjuangaken. Ing mriku wonten setunggal wengi kados dhawuhipun Allah:
خَيْرٌ مِّنْ أَلْفِ شَهْرٍ
“Wengi iku lebih apik tinimbang sewu wulan.” (QS. Al-Qadr :3)
Kula panjenengan saget ningali pripun semangate tiyang ingkang nyambut damel naliko dijanjeni bayaran tikel-matikel. Kula panjenengan tingali karyawan utawi buruh ingkang dijanjeni “Awakmu tetep kerjo nang kantor suwene 10 dino pas libur”. Mangka bayaranmu bakal taktikelno ping 10 wulan, bakal tak tikelno 100 wulan, bakal taktikelno 1000 wulan.
Lha sakpunika ingkang janjeni lan nawari kula panjenengan inggih punika Rabbul ‘Alamiin. Allah mboten mungkin nulayani janji. Setunggal wengi ibadah bakal ditikelaken pahalanipun. Bahkan, pahalanipun langkung sae tinimbang ibadah suwene 1000 wulan utawi 80 tahun.
Tawaran punika napa badhe kula panjenengan pendet? Utawi kula panjenengan sio-sio mawon? Padahal Allah sampun maringi dhumateng kula panjenengan umur panjang lan kesempatan. Dereng tentu kula panjenengan sedaya dipun paring kesempatan kepanggih wulan Ramadhan tahun ngajeng.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَجَعَلَنِيْ وَإِيَّاكُمْ بِمَا فِيْهِ مِنَ الْآيَاِت وَالذِّكْرِ الْحَكِيْمِ. إِنَّهُ هُوَ البَرُّ التَّوَّابُ الرَّؤُوْفُ الرَّحِيْمُ
أعُوذُ بِاللهِ مِنَ الشَّيْطانِ الرَّجِيْم، بسم الله الرحمن الرحيم، وَالْعَصْرِ، إِنَّ الْإِنْسَانَ لَفِي خُسْرٍ، إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِـ وَقُلْ رَبِّ اغْفِرْ وَارْحَمْ وَأَنْتَ أَرْحَمُ الرّاحِمِيْنَ
Khutbah II
اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا
أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ. اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ
عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ
Teks Khutbah Jumat berbahasa Jawa ini disusun oleh pengurus LDNU Trenggalek, Ust. Joko Setyo Rimbawan, S.Pd; editor BNA.
