Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
اَلْحَمْدُللهِ الَّذِى جَعَلَ اللَّيْلَ وَ النَّهَارَ خِلْفَةً لِمَنْ أَرَادَ اَنْ يَّتَذَكَّرَ اَوْ أَرَادَ شُكُوْرًا. أَحْمَدُهُ سُبْحَانَهُ جَعَلَ الشَّمْسَ وَالْقَمَرَ حُسْبَانًا. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ شَهَادَةً تَكُوْنُ لَناَ مُطَهِّرَةً فِى الْقَلْبِ شِرْكًاوَكُفْرَانًا. وَأَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ الْمَبْعُوْثُ لِيَخْرُجَ النَّاسَ مِنَ الظُّلُمَاتِ اِلَى النُّوْرِ ظَاهِرًا وَبَاطِنًا. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِناَ وَمَوْلاَناَ مُحَمَّدٍ وَعَلَى آلِهِ وَصَحْبِهِ وَسَلِّمْ تَسْلِيْمًا
اَمَّا بَعْدُ: فَيَا عِبَادَاللهِ أُوْصِيْكُمْ وَ إِيَّايَ بِتَقْوَى اللهِ حَقَّ تُقَاتِهِ وَلاَتَمُوْتُنَّ اِلَّاوَاَنْتُمْ مُسْلِمُوْنَ فَقَدْ قَالَ اللهُ تَعَالَى فِي كِتَابِهِ الْكَرِيْمِ أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ: أَقِمِ الصَّلَاةَ لِدُلُوكِ الشَّمْسِ إِلَىٰ غَسَقِ اللَّيْلِ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا. صَدَقَ اللهُ الْعَظِيْمُ
Jamaah Jum’at ingkang dipun rahmati Allah,
Ngawali khutbah, kawula wasiat dhumateng para jamaah, khususipun dhateng pribadi kawula piyambak, sumangga kita sami ningkataken nilai ketakwaan kita dhateng Ngarsa Dalem Allah Ta’ala. Tansah tetanggenan (berpegang teguh) dhateng hukum-hukumipun Allah, sampun ngantos kita kabujuk (terperdaya) kaliyan kawontenan dunya ingkang kebak panggodha. Allah Ta’ala sampun dhawuh wonten ing al-Qur’an surat al-Fathir ayat 5:
يَا أَيُّهَا النَّاسُ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُمْ بِاللَّهِ الْغَرُورُ
Artosipun: He manungsa, temen, janjine Allah iku haq (bener), mula ojo sira kabujuk kahanan dunya, lan pangridhune (syaithan) ojo mbujuk kaweruhmu marang Allah. (QS. al-Fathir: 5)
Jamaah Jum’at ingkang dipun rahmati Allah,
Sedaya titah pasti ngalami kesulitan utawi masalah. Lan cara pados solusinipun temtu mawi cara ingkang benten-benten. Setunggal conto, kados ingkang saweg dados bahan pembicaraan (ngetrend), khususipun wonten ing kalangan remaja lan kaum ibu-ibu, yakni healing utawi self–healing. Tindakan (refreshing) dhateng tempat-tempat wisata, taman, lan keindahan alam lintu-lintunipun. Kanthi tujuan: menghibur diri, penyegaran, pados suwasana enggal. Bahkan ngantos ngagem pengobatan secara pribadhi saking permasalahan keluarga, permasalahan kerja, kesehatan, lan sak wenehipun.
Saget kemawon cara makaten menika dados solusi saking setunggal masalah. Nanging kados pundi menawi saking kathahipun masalah?
Jamaah Jum’at ingkang dipun rahmati Allah,
Wonten ing salah setunggalipun hadits, ingkang dipun riwayataken saking at-Tirmidzi, Kanjeng Rasul shallallahu ‘alaihi wasallam dhawuh:
عَنْ بِلَالٍ أَنَّ رَسُوْلَ اللهِ صَلَّى اللهُ عَلَيْهِ وَسَلَّمَ قَالَ: عَلَيْكُمْ بِقِيَامِ اللَّيْلِ فَإِنَّهُ دَأَبُ الصَّالِحِينَ قَبْلَكُمْ وَإِنَّ قِيَامَ اللَّيْلِ قُرْبَةٌ إِلَى اللَّهِ وَمَنْهَاةٌ عَنْ الْإِثْمِ وَتَكْفِيرٌ لِلسَّيِّئَاتِ وَمَطْرَدَةٌ لِلدَّاءِ عَنْ الْجَسَدِ (رواه االترمذى)
Artosipun: Cinarita sangka sahabat Bilal, menawa Kanjeng Rasul shallallahu ‘alaihi wasallam dhawuh: “Netepono sira kabeh kelawan njumenengi shalat wengi (qiyamul lail), sak temene qiyamul lail iku dadi tindake wong-wong shaleh sak durungmu, lan sak temene qiyamul lail iku dadi sarana taqarrub marang Allah, nyegah sangka lelaku dosa, nglebur marang lelaku ala, lan bisa dadi tombo sangka penyakite awak/jasad. (HR. at-Tirmidzi)
Saking hadits punika, wonten gangsal (5) fadhilah utawi keutamaanipun shalat dalu (qiyamul lail):
Sepisan, qiyamul lail menika sampun dados ciri khas lelampahan tiyang-tiyang shaleh awit awal ngantos sak mangke. Ngantos-ngantos wonten ingkang ndhawuhaken, mboten wonten tiyang shaleh ingkang nilaraken qiyamul lail.
Kaping kalih, qiyamul lail menika wujud taqarrub dhateng Ngarsa Dalem Allah Ta’ala. Namung kagem piyantun ingkang pinilih, ingkang saget istiqamah nglampahi shalat ing wekdal dalu (qiyamul lail).
Kaping tiga, fadhilah utawi keutamaanipun qiyamul lail, dados sarana kagem nyegah nglampahi perkawis awon/dosa.
Kaping sekawan, qiyamul lail saget nglebur kesalahan-kesalahan ingkang sak derengipun kita tindakaken.
Lan ingkang kaping gangsal, qiyamul lail manfaat kagem tombo utawi obat tolak sedaya penyakit wonten badan (jasad).
Jamaah Jum’at ingkang dipun rahmati Allah,
Saget kita pendhet kesimpulan, bilih qiyamul lail (njumenengi shalat wengi), minangka dados self healing (pengobatan) lahir tuwin batin. Sehat badan/jasmani kita, ugi sehat rohani, yakni iman lan Islam kita.
Kanthi hidayah ipun Allah Ta’ala, mugi-mugi kita sami sak lebetipun nyikapi masalah lan kesulitan ipun gesang, tansah wonten margi ingkang dipun ridhani Allah, lan mboten medal saking ajaran-ajaran ipun Kanjeng Rasul shallallahu ‘alaihi wasallam, supados pikantuk jalan keluar utawi solusi ingkang barakah, manfaat dunya tuwin akhirat. Amien.
أَعُوْذُ بِاللهِ مِنَ الشَّيْطَانِ الرَّجِيْمِ
وَمِنَ ٱلَّيْلِ فَتَهَجَّدْ بِهِۦ نَافِلَةً لَّكَ عَسَىٰٓ أَن يَبْعَثَكَ رَبُّكَ مَقَامًا مَّحْمُودًا
باَرَكَ اللهُ لِىْ وَلَكُمْ فِى الْقُرْآنِ الْعَظِيْمِ. وَ نَفَعَنيِ وَ إِيَّاكُمْ بِمَا فِيْهِ مِنَ الْأَياَتِ وَ الذِّكْرِ الْحَكِيْمِ وَتَقَبَّلْ مِنّىِ وَ مِنْكُمْ تِلاَوَتَهُ إِنَّهُ هُوَالسَّمِيْعُ اْلعَلِيْمُ. أَقُوْلُ قَوْلِيْ هَذَا وَاسْتَغْفِرُوْا اللهَ الْعَظِيْمَ لِيْ ولَكُمْ وَلِسَائِرِ الْمُسْلِمِيْنَ. فَاسْتَغْفِرُوْهُ مِنْ كُلِّ ذَنْبٍ، إِنَّهُ هُوَالْغَفُوْرُ الرَّحِيْمُ
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَةِ
فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىأَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ
عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَخْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 23 Rabiul Akhir 1444 H / 18 November 2022 ini disusun oleh Kiai Ali Asmungi, Ketua PC LDNU Trenggalek; editor BNA/Imha.
