Khutbah I
اَلسَّلَامُ عَلَيْكُمْ وَرَحْمَةُ اللهِ وَبَرَكاَتُهُ
اَلْحَمْدُ لِلَّهِ الْعَلِيْمِ الْحَكِيْمِ. اَلَّذِىْ خَلَقَ الإِنْسَانَ فِى اَحْسَنِ تَقْوِيْمٍ. اَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ السَّمِيْعُ الْعَلِيْمُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ خَاتَمُ النَّبِيِّيْنَ وَ اِمَامُ الْمُرْشِدِيْنَ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ، وَعَلَى اَلِهِ وَصَحْبِهِ وَاَتْبَاعِهِ أَجْمَعِيْنَ
اَمَّا بَعْدُ: فَيَا اَيُّهَا الْحَاضِرُوْنَ الْكِرَامُ، اُوْصِيْكُمْ وَ نَفْسِيْ بِتَقْوَى اللهِ وَطَاعَتِهِ، وَلَاتَمُوْتُنَّ اِلَّاوَاَنْتُمْ مُسْلِمُوْنَ. قَالَ اللهُ تَعَالَى فِى كِتَابِهِ الْكَرِيْمِ. اَعُوْذُ بِاللهِ مِنَ الشَّيْطَانِ الرَّجِيْمِ: لَا تَقُمْ فِيْهِ اَبَدًاۗ لَمَسْجِدٌ اُسِّسَ عَلَى التَّقْوٰى مِنْ اَوَّلِ يَوْمٍ اَحَقُّ اَنْ تَقُوْمَ فِيْهِۗ فِيْهِ رِجَالٌ يُّحِبُّوْنَ اَنْ يَّتَطَهَّرُوْاۗ وَاللّٰهُ يُحِبُّ الْمُطَّهِّرِيْنَ. صَدَقَ اللهُ الْعَظِيْمُ
Jamaah Jum’at Rahimakumullah,
Monggo kita sami terus ambudidaya ningkataken nilai ketaqwaan kita dhateng Allah Subhanahu wa Ta’ala, sarana nglampahi sedaya perintahipun Allah, lan nebihi sedaya awisanipun. Kanthi taqwa, kita sami badhe pikantuk derajat mulya wonten ing Ngarso Dalem Allah Ta’ala.
إِنَّ أَكْرَمَكُمْ عِنْدَ اللَّهِ أَتْقَاكُمْ
Artosipun: “Sak temene wong kang paling mulya sangka sira kabeh ana ing ngarsane Allah yaiku wong kang paling taqwa.” (Q.S. al-Hujurat: 13)
Lan sumunggo kita merhatosaken tata cara sesuci ingkang leres, amargi sesuci punika dados kuncinipun sholat. Kados ingkang kadhawuhaken dening Kanjeng Nabi Muhammad shalallahu ‘alaihi wassalam:
مِفْتَاحُ الصَّلَاةِ الطُّهُوْرُ
Artinya : “Kuncinipun shalat yaiku sesuci.” (HR. Tirmidzi)
Kaum Muslimin ingkang Minulya,
Sesuci utawi wudhu, sak lintunipun mbersihaken anggauta lahir, ugi mbersihaken rereget utawi kotoran-kotoran batin, yakni penyakit-penyakit manah. Secara lahir, toya ingkang kita agem sesuci badhe ngicalaken hadas, najis, lan kotoran ingkang dados penghalang keabsahan sholat. Kita kedah merhatosaken fardhu-fardhu lan sunah-sunahipun.
Saking Imam Muslim, Kanjeng Nabi Muhammad shalallahu ‘alaihi wassalam sampun dhawuh:
مَنْ تَوَضَّأَ فَأَحْسَنَ اْلوُضُوْءَ، خَرَجَتْ خَطَايَاهُ مِنْ جَسَدِهِ حتَّى تَخْرُجَ مِنْ تَحْتِ أَظْفَارِهِ
Ingkang artosipun: “Sapa wonge sesuci lan mbagusi wudhune (ateges, nyempurnakne wudhu sarana merhatekke fardhu lan sunnahe), mangka metu dosa-dosane sangka awake wong iku sahingga dosa-dosa kang ana ing ngisore kuku-kukune.” (HR. Muslim)
Kalebet fardhu-fardhu wudhu (furudhul wudhui) inggih punika: niat, masuh wajah, masuh asta kekalih, ngusap sebagian saking mustaka, masuh suku kekalih, lan tertib utawi urut sesuai kalian ketentuanipun syara’.
Wondene sunnah-sunnahipun (sunanul wudhui) ing antaranipun: maos basmalah, masuh asta ngantos pergelangan sak derengipun kekemu (kumur), ngisep toya kaliyan irung, ngratakke toya nalikanipun ngusap mustaka, ngusap talingan kekalih, ngratakke toya dhateng jenggot ingkang kandel ngantos lebetipun, nyela-nyelani driji asta lan suku kekalih, ambal kaping tiga saben wasuhan utawi usapan, sambung wasuhan utawi usapanipun (tegesipun, antawis kekalihipun anggauta mboten dangu mandhek ipun).
Jamaah Jum’at ingkang Minulya,
Wondene sesuci secara batin, sesuai kaliyan derajat utawi kedudukanipun. Kados dhawuh pangandikanipun Imam al-Ghozali, derajatipun sesuci wonten (4) sekawan.
Sepindah,
تَطْهِيْرُ الظَّاهِرِ عَنِ اْلاَحْدَاثِ وَعَنِ اْلاَخْبَاثِ وَاْلفُضُلاَتِ
(Nyucekaken anggauta lahir saking hadas, najis, lan kotoran)
Angka kalih,
تَطْهِيْرُ اْلجَوَارِحِ عَنِ اْلجَرَائِمِ وَاْلاَثَامِ
(Nyucekaken anggauta lahir saking dosa lan maksiat)
Angka tiga,
تَطْهِيْرُ اْلقَلْبِ عَنِ اْلاَخْلاَقِ الْمَذْمُوْمَةِ وَالرَّذَائِلِ الْمَمْقُوْتَةِ
(Nyucekaken manah saking akhlak ingkang awon/tercela, lan sifat ala/winada)
Lan angka sekawan,
تَطْهِيْرُ اْلسِّرِّ عَمًّا سِوَى اللهِ تَعَالَى، وَهُوَ طَهَارَةُ اْلاَنْبِيَاءِ صَلَوَاةُ اللهِ عَلَيْهِمْ وَالصِّدِّقِيْنَ
(Nyucekaken sirr/qolbu saking sedaya perkawis sak lintunipun Allah Ta’ala. Puniko sesucipun para nabi lan shiddiqin)
Hadirin ingkang Minulya,
Saking keterangan wonten ing inggil kalawau, kita saget mendhet kesimpulan bilih sesuci utawi wudhu mboten namung mbersihaken anggauta saking hadas, najis, lan kotoran ingkang saget ndadosaken penghalang keabsahan sholat. Ananging hakikatipun sesuci inggih punika supados kita sami terhindar saking perbuatan dosa lan maksiat.
Sesuci ugi mbersihaken manah saking penyakit-penyakit manah ingkang winada (tercela) utawi madzmumah, sak lajengipun menghiasi diri lan manah mawi perbuatan-perbuatan ingkang sae utawi terpuji (mahmudah).
Makaten khutbah kita aturaken, mugi-mugi saget mendhet hikmah lan manfaatipun. Amin Ya Rabbal Alamin.
بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ وَ نَفَعَنِي وَ اِيَّاكُمْ بِالْاٰيَاتِ وَ الذِّكْرِ الْحَكِيْمِ. اَعُوْذُ بِاللهِ مِنَ الشَّيْطَانِ الرَّجِيْمِ : يٰۤاَيُّهَا الۡمُدَّثِّرُ قُمْ فَاَنْذِرْ, وَرَبَّكَ فَكَبِّرۡ, وَثِيَابَكَ فَطَهِّرۡ. فَقُلْ رَبِّ اغْفِرْ وَارْحَمْ وَاَنْتَ خَيْرُالرَّاحِمِيْنَ
Khutbah II
اَلْحَمْدُ للهِ الَّذِى بَشَّرَالْمُتَّقِيْنَ بِأَنَّ لَهُمُ الْحُسْنَى فِى الدُّنْيَا وَالْاَخِرَةِ. أَشْهَدُ اَنْ لَااِلَهَ اِلَّااللهُ وَحْدَهُ لَاشَرِيْكَ لَهُ. وَاَشْهَدُ اَنَّ سَيِّدَنَا مُحَمَّدًا عَبْدُهُ وَ رَسُوْلُهُ. اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ أَشْرَافِ الْمَخْلُوْقَاتِ، وَعَلَى اَلِهِ وَاَصْحَابِهِ اَهْلِ التَّقْوَى وَالْمَغْفِرَة
فَيَااَيُّهَا الْمُسْلِمُوْنَ! اِتَّقُوْااللهَ حَقَّ تُقَاتِهِ وَلَاتَمُوْتُنَّ اِلَّاوَاَنْتُمْ مُسْلِمُوْنَ. فَقَالَ اللهُ تَعَالىَ وَلَمْ يَزَلْ قَائِلاً عَلِيْمًا: اِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ يَأَيُّهَاالَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا وَمَوْلَانَا مُحَمَّدٍ وَعَلَى اَلِهِ وَصَحْبِهِ وَالتَّابِعِيْنَ وَارْضَ عَنْهُمْ بِرَحْمَتِكَ يَاأَرْحَمَ الرَّاحِمِيْنَ
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَالْمُسْلِمَاتِ اَلْأَحْيَاءِ مِنْهُمْ وَاْلاَمْوَاتِ. اَللَّهُمَّ ادْفَعْ عَنَّا الْبَلاَءَ وَالْغَلَاءَ وَالْفَخْشَاءَ وَالْمُنْكَرَ وَالْمُخْتَلِفَةَ وَالشَّدَائِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا اِنْدُونِيْسِيَّا خآصَّةً وَمِنْ بُلْدَانِ الْمُسْلِمِيْنَ عَامَّةً. يَارَبَّ كُلِّ شَيْءٍ بِقُدْرَاتِكَ عَلَى كُلِّ شَيْءٍ، اِغْفِرْلَنَا كُلَّ شَيْءٍ وَلَاتَسْىئَلْنَا عَنْ كُلِّ شَيْءٍ وَلَاتُحَاسِبْنَا فِى كُلِّ شَيْءٍ وَاَعْطِنَا كُلَّ شَيْءٍ. اِنَّكَ عَلَى كُلِّ شَيْءٍ قَدِيْرٌ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ
عِبَادَاللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ
Teks Khutbah Jumat berbahasa Jawa edisi 22 Dzulhijah 1443 H /22 Juli 2022 ini disusun oleh Kiai Ali Asmungi, Ketua PC LDNU Trenggalek; editor BNA.
