Khutbah I
اَلْحَمْدُ لِلّٰهِ الَّذِيْ أنْعَمَنَا بِنِعْمَةِ اْلإيْمَانِ وَالإسْلاَمِ، وَأفْضَلَنَا باِلعِلْمِ وَاْلعَمَلِ عَلىَ سَائِرِ مَخْلُوْقَاتِهِ، أَشْهَدُ أَنْ لاَ إِلٰهَ إِلاَّ اللهُ وَحْدَهُ لاَ شَرِيْكَ لَهُ الْمَلِكُ الْحَقُّ الْمُبِيْنُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ خَاتِمُ الْاَنْبِياَءِ وَالْمُرْسَلِيْنَ. اَللّٰهُمَّ صَلِّ وَسَلِّمْ عَلىَ سَيِّدِنَا مُحَمّدٍ وَعَلىَ آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ: فَيَا أَيُّهَا النَّاسُ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ اللهُ تَعَالَى: اِنَّ الصَّلٰوةَ تَنْهٰى عَنِ الْفَحْشَاۤءِ وَالْمُنْكَرِ وَلَذِكْرُ اللّٰهِ اَكْبَرُ وَاللّٰهُ يَعْلَمُ مَا تَصْنَعُوْنَ.
Hadirin Jama’ah Jum’ah Rahimakumullah,
Wonten kesempatan ingkang sae menika, keparenga kawula wasiat dhumateng diri pribadi, lumeberipun dhumateng panjenengan sedoya. Monggo samiya netepi taqwa dumateng Allah Swt, kanti nglampahi sedaya perintahipun ugi nebihi sedaya awisanipun. Kanti washilah taqwa menika mugi-mugi Allah Swt paring ridha ugi keselametan dhumateng kita sedaya awit wonten dunya dumugi mbenjang wonten akhirat. Amin ya Rabbal Alamin.
Sidang Jum’ah ingkang minulya,
Mangertosi bilih kita dados tiyang muslim kagungan kewajiban njumenengaken ugi nindakaken ibadah kanthi ikhlas dhumateng Allah Swt. Langkung-langkung ibadah ingkang paling utama tuwin paling penting hikmahipun, inggih menika ibadah shalat.
Shalat punika dados saka gurunipun agama. Shalat ugi dados ibadah ingkang langkung utama ketimbang ibadah-ibadah lintunipun. Pramila sinten tiyang ingkang nglampahi shalat, kanti istiqamah, khusyu’, lan jangkep syarat-rukunipun, berarti tiyang kalawau sampun njumenengaken agama. Sakwangsulipun, sinten tiyang ingkang ninggal shalat berarti tiang kalawau sampun ngrubuhake agama.
Kanjeng Nabi Muhammad SAW dawuh :
اَلصَّلاَةُ عِمَادُ الدِّيْنِ فَمَنْ اَقَامَهَا فَقَدْ اَقَامَ الدِّيْنَ وَمَنْ هَدَمَهَا فَقَدْ هَدَمَ الدِّيْنَ
Artosipun: “Shalat iku minangka saka gurune agama, mangka sing sapa wonge nglakoni (kanti khusyu’ lan genep syarat-rukune) berarti dheweke wus ngadekake agama, lan sapa sing ngrubuhake (tanpa alasan syar’i) berarti dheweke ngerubuhake agama.” (HR. Bukhari)
Para rawuh jamaah Jum’ah ingkang minulyo,
Nglamapahi ibadah shalat hukumipun fardhu ‘ain, tumrap tiyang jaler lan estri ingkang memenuhi syarat. Sinten tiyang ingkang sampun memenuhi syarat wajib tuwin syarat sahipun shalat, mangka piyambake wajib njumenengaken shalat. Sebab, njumenengaken shalat punika dados tanda taat lan patuhipun tiyang mukmin dhumateng Allah Swt.
Gusti Allah Swt sampun ndhawuhaken:
اِنَّ الصَّلٰوةَ كَانَتْ عَلَى الْمُؤْمِنِيْنَ كِتٰبًا مَّوْقُوْتًا
Artosipun: “Saktemene shalat iku wajib kanggone saben-saben mukmin kanthi wayah kang wis ditentokake.” (QS. an-Nisa’: 103)
Pramila monggo kita sedaya tansah semangat saha istiqamah anggenipun nglampahi shalat, utaminipun shalat fardhu, sehingga dados washilah mbuktekaken ketaatan kita dhumateng Gusti Allah Swt.
Sidang Jum’ah rahimakumullah,
Nindakaken ibadah shalat punika langkung utama bilih dipun lampahi kanthi berjamaah. Shalat jamaah sanget dipun remeni dening Gusti Allah Ta’ala ugi Kanjeng Rasul saw.
Kanjeng Rasul saw sampun nerangaken:
صَلَاةُ الْجَمَاعَةِ تَفْضُلُ صَلَاةَ الْفَذِّ بِسَبْعٍ وَعِشْرِينَ دَرَجَةً
Artosipun: “Shalat jamaah iku luwih utama ketimbang shalat ijen, kanti pitu likur derajat.” (HR. Bukhari)
Hadits punika nedahaken dhateng kita sedaya bilih shalat jamaah langkung utama ngungkuli shalat piyambakan. Hukumipun punika sunnah. Wondene ganjaranipun punika dipun tikelaken dados pitu likur derajat. Meniko dados bukti bilih Allah Swt remen sanget dhumateng tiyang ingkang nindakaken shalat kanthi berjamaah.
Ma’asyiral muslimin jamaah Jum’ah ingkang minulya,
Kedah dipun mangertosi, bilih shalat jamaah kejawi hukumipun sunnah, ugi saget ugi saget dados washilah nuprih ampunan utawi maghfirahipun Allah Swt. Gusti Allah bakal paring pangapura maring sedaya tiang ingkang njumenengaken shalat kanthi berjamaah. Napa malih jamaah punika dipun lampahi kanthi ikhlas, khusyu’, tuwin istiqamah, semata-mata namung ngalap ridhanipun Allah Swt.
Shalat jamaah dados sebabipun umat Islam kompak lan kokoh. Hal puniko kranten shalat jamaah saget dados sarana ngempalipun kaum muslim damel nyambung silaturahim, sehingga nimbulaken ikatan batin antawis setunggal lan setunggalipun.
Ingkang penting malih, negakaken shalat jamaah saget dados media damel makmuraken masjid lan mushala. Masjid utawi mushala bakal langkung meriah, makmur saha sejahtera. Syiar dakwah agami Islam saget langkung semarak lan mbungahaken sedoyo masyarakat.
Hadirin jamaah Jum’ah rahimakumullah,
Pramila monggo kita terus berusaha kanthi ikhlas lan istiqamah nindakaken shalat berjamaah. Kita dadosaken shalat jamaah minangka margi utawi thariqah nuprih ridahinipun Allah Swt. Sehingga kita sedaya saget pikantuk kaselametan ugi kabejan wonten ing ndalem dunyo tuwin ing ndalem akhirat. Amin ya Rabbal ‘Alamin.
اَعُوْذُ بِااللهِ مِنَ الشَّيْطَانِ الرَّجِيْم بِسْمِ اللهِ الرَّحْمٰنِ الرَّحِيْمِ. وَالْعَصْرِۙ. اِنَّ الْاِنْسَانَ لَفِيْ خُسْرٍۙ. اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّ ەۙ وَتَوَاصَوْا بِالصَّبْرِ ࣖ.
بَارَكَ اللهُ لِيْ وَ لَكُمْ فِي الْقُرْاٰنِ الْعَظِيْمِ وَ نَفَعَنِي وَ اِيَّاكُمْ بِالْاٰيَاتِ وَ الذِّكْرِ الْحَكِيْمِ اِنَّهُ هُوَ التَّوَّابُ الرَّحِيْم.
*
Khutbah II
اَلْحَمْدُ لِلّٰهِ عَلَى إِحْسَانِهِ، وَالشُّكْرُ لَهُ عَلَى تَوْفِيْقِهِ وَامْتِنَانِهِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إِلَى رِضْوَانِهِ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ وَسَلَّمَ تَسْلِيْمًا كَثِيْرًا. أَمَّا بَعْدُ : فَيَا أَيُّهَا النَّاسُ، اِتَّقُوا اللهَ فِيْمَا أَمَرَ وَانْتَهُوْا عَمَّا نَهَاكُمْ، وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَّى بِمَلآئِكَتِهِ بِقُدْسِهِ، وَقَالَ تَعَالَى : إِنَّ اللهَ وَمَلآئِكَتَهُ يُصَلُّوْنَ عَلَى النَّبِيِّ يَآأَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا
اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أَنْبِيَآئِكَ وَرُسُلِكَ وَمَلآئِكَتِكَ الْمُقَرَّبِيْنَ، وَارْضَ اللّٰهُمَّ عَنِ الْخُلَفَاءِ الرَّاشِدِيْنَ أَبِيْ بَكْرٍ وَعُمَرَ وَعُثْمَانَ وَعَلِيٍّ وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنِ، وَارْضَ عَنَّا مَعَهُمْ بِرَحْمَتِكَ يَاأَرْحَمَ الرَّاحِمِيْنَ.
اللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَآءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مَجِيْبُ الدَّعَوَاتِ. اللّٰهُمَّ أَعِزَّ الإِسْلاَمَ وَالْمُسْلِمِيْنَ وَأَذِلَّ الشِّرْكَ وَالْمُشْرِكِيْنَ وَانْصُرْ عِبَادَكَ الْمُوَحِّدِيْنَ الْمُخْلِصِيْنَ وَاخْذُلْ مَنْ خَذَلَ الْمُسْلِمِيْنَ ودَمِّرْ أَعْدَآئَنَا وَأَعْدَآءَ الدِّيْنِ وأَعْلِ كَلِمَاتِكَ إِلَى يَوْمِ الدِّيْنِ. اللّٰهُمَّ ادْفَعْ عَنَّا الْبَلاَءَ وَالْوَبَاءَ وَالزَّلاَزِلَ وَالْمِحَنَ وَسُوْءَ الْفِتْنَةِ مَا ظَهَرَ مِنْهَا وَمَا بَطَنَ عَنْ بَلَدِنا إِنْدُوْنِيْسِيَا خَآصَّةً وَعَنْ سَائِرِ الْبُلْدَانِ الْمُسْلِمِيْنَ عَآمَّةً يَا رَبَّ الْعَالَمِيْنَ. رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.
عِبَادَ اللهِ! إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَآءِ ذِي الْقُرْبَى وَيَنْهَى عَنِ الْفَحْشَآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكُمْ، وَلَذِكرُ اللهِ أَكْبَرُ.
Khutbah Jumat Bahasa Jawa ini disusun oleh Pengurus Cabang (PC) Lembaga Dakwah Nahdlatul Ulama (LDNU) kabupaten Trenggalek. Edisi 24 Desember 2021.
